‘മഹാന്മാര്‍ക്ക് നന്നായി കളിക്കാന്‍ അറിയാം, അന്ന് ഹൈദരാബാദിൽ വന്നപ്പോൾ സംഭവിച്ചത്’- സച്ചിനെതിരെ ലൈംഗികാരോപണവുമായി ശ്രീ റെഡ്ഡി
സച്ചിനെതിരെ ലൈംഗികാരോപണവുമായി ശ്രീ റെഡ്ഡി
തെലുഗ് സിനിമയിലെ കാസ്റ്റിംഗ് കൗച്ചിനെക്കുറിച്ച് നിരവധി വെളിപ്പെടുത്തലുകള്‍ നടത്തി തെന്നിന്ത്യന്‍ സിനിമാ ലോകത്തെ വിറപ്പിച്ച നടിയാണ് ശ്രീ റെഡ്ഡി. അവസരങ്ങൾ തരാമെന്ന് പറഞ്ഞ് ലൈംഗികമായി ഉപയോഗിച്ചെന്ന് സംവിധായകരുടെയും നടന്മാരുടെയും പേരുകൾ എടുത്ത് പറഞ്ഞായിരുന്നു ശ്രീ റെഡ്ഡിയുടെ ആരോപണം.
ഒരിടവേളയ്ക്ക് ശേഷം ശ്രീ വീണ്ടും രംഗത്തെത്തിയിരിക്കുകയാണ്. ഇത്തവണ ക്രിക്കറ്റ് ഇതിഹാസമായ സച്ചിന്‍ തെണ്ടുല്‍ക്കര്‍ക്ക് നേരെയാണ് ശ്രീ റെഡ്ഡി ലൈംഗിക ആരോപണം ഉന്നയിച്ചിരിക്കുന്നത്.
ക്രിക്കറ്റ് താരങ്ങളെ പൊതുവെ സിനിമാ നടിമാരുമായി ചേര്‍ത്ത് കഥകള്‍ ഇറങ്ങുന്നത് സാധാരണമാണ്. എന്നാല്‍ മെതാനത്തിന് അകത്തും പുറത്തും ചീത്തപ്പേരുകളൊന്നും കേള്‍പ്പിക്കാത്ത ജെന്റില്‍മാനാണ് സച്ചിന്‍ തെണ്ടുക്കർ. ക്രിക്കറ്റ് ദൈവത്തിനെതിരെ താരം ആരോപണം ഉന്നയിച്ച് രംഗത്തെത്തിയതോടെ ആരാധകർ ശ്രീ റെഡ്ഡിക്കെതിരെ തിരിഞ്ഞിരിക്കുകയാണ്.
തെലുഗ് സിനിമയിലെ സൂപ്പര്‍ നായിക ചാര്‍മിയുമായി ചേര്‍ത്താണ് സച്ചിനെതിരെ ശ്രീ റെഡ്ഡിയുടെ ആരോപണം. സച്ചിനെ സച്ചിന്‍ തെണ്ടുല്‍ക്കാരന്‍ എന്നും ചാര്‍മ്മിയെ ചാര്‍മിംഗി എന്നുമാണ് ഫേസ്ബുക്ക് പോസ്റ്റില്‍ ശ്രീ റെഡ്ഡി വിശേഷിപ്പിച്ചിരിക്കുന്നത്.
സച്ചിന്‍ തെണ്ടുല്‍ക്കാരന്‍ എന്ന റൊമാന്റിക് വ്യക്തി ഒരിക്കല്‍ ഹൈദരാബാദില്‍ വന്നപ്പോള്‍ ചാര്‍മ്മിംഗ് എന്ന പെണ്‍കുട്ടിയുമായി ബന്ധത്തില്‍ ഏര്‍പ്പെട്ടു. ഉന്നതനായ ചാമുണ്ഡേശ്വര്‍ സ്വാമി ആയിരുന്നു ഇവര്‍ക്കിടയിലെ മൂന്നാമന്‍. മഹാന്മാര്‍ക്ക് നന്നായി കളിക്കാന്‍ അറിയാം, ഞാനുദ്ദേശിച്ചത് പ്രണയമാണ് എന്നാണ് ശ്രീ റെഡ്ഡിയുടെ പോസ്റ്റ്.
ആന്ധ്ര പ്രദേശിലെ മുന്‍ ആഭ്യന്തര ക്രിക്കറ്റ് താരമായ ചാമുണ്ഡേശ്വര്‍ നാഥിനെയാണ് ശ്രീ റെഡ്ഡി ചാമുണ്ഡേശ്വര്‍ സ്വാമിയെന്ന് വിളിച്ചിരിക്കുന്നത്. സെലിബ്രിറ്റി ക്രിക്കറ്റ് ലീഗിന്റെ ഭാഗമായി സച്ചിന്‍ നേരത്തെ ഹൈദരാബാദില്‍ വെച്ച് നടന്ന പരിപാടിയില്‍ പങ്കെടുക്കാന്‍ എത്തിയിരുന്നു'. നടി ചാർമിയും ഉണ്ടായിരുന്നു പരിപാടിയിൽ. ഇതുമായി ചേര്‍ത്തുകൊണ്ടാണ് ശ്രീ റെഡ്ഡിയുടെ ആരോപണം എന്നാണ് പുറത്ത് വരുന്ന സൂചനകള്‍.
