നടന്‍ സല്മാന്ഖാന് 2900 കോടി രൂപയുടെ ആസ്തിയുണ്ട്. ഇന്ത്യയിലെ തന്നെ ഏറ്റവും ധനികനായ നടന്മാരില്‍ ഒരാളാണ് അദ്ദേഹം.
30 വര്‍ഷത്തെ സിനിമ കരിയറില്‍ നിന്ന് കിട്ടിയ പ്രതിഫലം നിസ്സാര തുകയല്ല. അഭിനയത്തിന് പുറമേ ബിസിനസ് ലോകത്തും ശക്തമായ സാന്നിധ്യമായി മാറാന്‍ താരത്തിനായി. കോടികള്‍ ആസ്തിയുള്ള താരം ഇന്നും ഒരു ഒറ്റമുറി അപ്പാര്‍ട്ട്‌മെന്റിലാണ് താരം കഴിയുന്നതെന്ന് പറഞ്ഞാല്‍ ആരെങ്കിലും വിശ്വസിക്കുമോ ? എന്നാല്‍ അതാണ് സല്മാന്ഖാന്.
ബാന്ദ്രയിലെ ഗ്യാലക്സി അപ്പാര്‍ട്ട്‌മെന്റിലെ 1 ബിഎച്ച്കെ ഫ്‌ലാറ്റിലാണ് താരം കഴിയുന്നതെന്നാണ് റിപ്പോര്‍ട്ടുകള്‍. ഇവിടെ തന്നെയുള്ള മറ്റ് ഫ്‌ലാറ്റുകളിലായി സഹോദരങ്ങളും മാതാപിതാക്കളും കഴിയുന്നു എന്നാണ് വിവരം. മറ്റ് ബോളിവുഡ് താരങ്ങളെ പോലെ കൂറ്റന്‍ മണിമാളികകളും ബംഗ്ലാവുകളും പണികഴിപ്പിക്കാന്‍ സല്‍മാന്‍ ഇഷ്ടപ്പെടുന്നില്ല. എന്നാല്‍ പനവേലില്‍ 150 ഏക്കറോളം വരുന്ന ഫാം ഹൗസ് അദ്ദേഹത്തിന് ഏറെ പ്രിയപ്പെട്ടതാണ്.
നിരവധി ലക്ഷ്വറി കാറുകള്‍ സ്വന്തമായി താരത്തിനുണ്ട്. എന്നാല്‍ ഇഷ്ടവാഹനം സൈക്കിള്‍ ആണ്. പണ്ടൊക്കെ സല്‍മാന്‍ സൈക്കിള്‍ ഓടിച്ച് പോകുന്ന കാഴ്ച ആരാധകരിലും കൗതുകമുണര്‍ത്തിയിരുന്നു.എന്നാല്‍ താരത്തിന്റെ സുരക്ഷക്കായി അകമ്പടിയേകുന്ന ബോഡിഗാര്‍ഡുകളും ഒപ്പം മറ്റ് സഹായികളും ഒക്കെ കാറില്‍ ഒപ്പം വരുന്നതോടെ ആളുകള്‍ തടിച്ചു കൂടി വലിയ തിരക്കുകള്‍ ഉണ്ടായതോടെയാണ് ആ പതിവ് വേണ്ടെന്നുവച്ചത്.
