സ്വയംഭോഗ രംഗത്തെ എതിർത്ത് യുവാവിന്റെ ട്വീറ്റ്: ചുട്ടമറുപടിയുമായി സ്വര ഭാസ്‌കർ
ആ സീൻ കണ്ടപ്പോൾ നാണംകെട്ടുപോയി: ചുട്ടമറുപടിയുമായി സ്വര ഭാസ്‌കർ
, തിങ്കള്‍, 4 ജൂണ്‍ 2018 (10:34 IST)
ബോളിവുഡിൽ വൻവിജയമായിക്കൊണ്ടിരിക്കുകയാണ് 'വീരെ ദി വെഡ്ഡിംഗ്'. എന്നാൽ ചിത്രത്തിൽ അഭിനയിച്ചവരെ ആസ്‌പദമാക്കി ഗോസിപ്പുകൾ ഏറെയാണ്. കഴിഞ്ഞ കുറച്ച് ദിവസങ്ങളായി സ്വരയുടെയും കത്രീനയുടെയും വസ്‌ത്രങ്ങളെക്കുറിച്ചായിരുന്നു സമൂഹ മാധ്യമങ്ങളിൽ ചർച്ച. എന്നാൽ ഇപ്പോൾ സ്വരയുടെ ട്വീറ്റിനെക്കുറിച്ചാണ് പുതിയ ചർച്ച.
മുത്തശ്ശിക്കൊപ്പം ചിത്രം കാണാനെത്തിയ യുവാവിന്റെ ട്വീറ്റിന് മറുപടിയായാണ് സ്വര കുറിപ്പിട്ടത്. സ്വര ഭാസ്‌ക്കറിന്റെ ഒരു സ്വയംഭോഗ രംഗമാണ് വൻ ചർച്ചയ്‌ക്കും വിവാദങ്ങൾക്കും വഴിയൊരുക്കിയത്. ചിത്രത്തിലെ ആ സീൻ കണ്ടപ്പോൾ നാണംകെട്ടുപോയെന്നും ഇന്ത്യക്കാരിയാണെന്നതിൽ നാണക്കേട് തോന്നുന്നുവെന്നുമാണ് ആ യുവാവ് ട്വീറ്റ് ചെയ്‌തത്.
ഇതിനെതിരെ ആയിരുന്നു പിന്നീട് സൈബൽ ആക്രമണം. ഇതിന് മറുപടിയുമായി സ്വര തന്നെ രംഗത്തെത്തുകയും ചെയ്‌തിരുന്നു. ഏതെങ്കിലും ഐടി സെൽ ടിക്കറ്റുകൾ സ്‌പോൺസർ ചെയ്യുന്നത് പോലെയുണ്ടെന്നാണ് താരം മറുപടി നൽകിയത്. താരത്തെ പിന്തുണച്ച് ആരാധകരും രംഗത്തുണ്ട്.
