2024 മലയാള സിനിമയെ സംബന്ധിച്ചിടത്തോളം ഒരുപാട് സര്‍പ്രൈസ് നിറഞ്ഞതാണെന്ന് ആദ്യം തന്നെ മനസ്സിലാക്കിത്തന്നു. മഞ്ഞുമ്മല്‍ ബോയ്‌സ്, പ്രേമലു, ഭ്രമയുഗം തുടങ്ങിയ ചിത്രങ്ങള്‍ വിജയമായപ്പോള്‍ എല്ലാവരും പ്രതീക്ഷയര്‍പ്പിച്ച മലൈക്കോട്ടൈ വാലിബന്‍ വീഴുന്ന കാഴ്ചയാണ് കണ്ടത്. ഒടുവില്‍ പ്രദര്‍ശനത്തിന് എത്തിയ അഞ്ചക്കള്ളകോക്കാന്‍ സര്‍പ്രൈസ് മുന്നേറ്റമാണ് നടത്തിക്കൊണ്ടിരിക്കുന്നത്.
ലുക്മാന്‍ പ്രധാന കഥാപാത്രത്തെ അവതരിപ്പിച്ച ആക്ഷന്‍-പാക്ക്ഡ് ത്രില്ലര്‍ പ്രേക്ഷകരെ ആകര്‍ഷിക്കുന്നത് തുടരുന്നു, ഓരോ ദിവസവും സ്ഥിരമായ ഒരു സംഖ്യ നിര്‍മ്മാതാവിന്റെ പോക്കറ്റില്‍ എത്തിക്കുകയാണ് സിനിമ. പത്താം ദിവസം പ്രദര്‍ശനം അവസാനിപ്പിക്കുമ്പോള്‍ 19 ലക്ഷം രൂപയാണ് നേടിയത്. ഈ കുഞ്ഞ് ചിത്രം 2.11 കോടി നേടി കരുത്ത് കാണിച്ചു.
2024 മാര്‍ച്ച് 24 ഞായറാഴ്ച,19.18% മലയാളം ഒക്യുപെന്‍സി രേഖപ്പെടുത്തി.ചെമ്പോസ്‌കി മോഷന്‍ പിക്‌ചേഴ്‌സിന്റെ ബാനറില്‍ ചെമ്പന്‍ വിനോദ് നിര്‍മ്മിച്ച് സഹോദരന്‍ ഉല്ലാസ് ചെമ്പന്‍ സംവിധാനം ചെയുന്ന അഞ്ചക്കള്ളകോക്കാന്‍ കാണാന്‍ ആളുകള്‍ എത്തുന്നുണ്ട്.
ആദ്യ ദിനം 18 ലക്ഷം രൂപയും, രണ്ടാം ദിവസം 31 ലക്ഷം രൂപയും മൂന്നാം ദിവസം 44 ലക്ഷം രൂപയും നേടി.കേരള-കര്‍ണാടക അതിര്‍ത്തിയിലെ ഒരു സാങ്കല്‍പ്പിക ഗ്രാമത്തില്‍ നടക്കുന്ന കഥയാണ് സിനിമ പറയുന്നത്.
ലുക്മാന്‍ അവറാന്‍, ചെമ്പന്‍ വിനോദ് ജോസ്, മെറിന്‍ ഫിലിപ്പ്, മണികണ്ഠന്‍ ആചാരി, മേഘ തോമസ് എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
