ടൊവിനോ തോമസിന്റെ 'നടികര്‍' പ്രദര്‍ശനം തുടരുകയാണ്.ലാല്‍ ജൂനിയര്‍ സംവിധാനം ചെയ്ത ചിത്രത്തിന്റെ ബോക്സ് ഓഫീസ് കളക്ഷന്‍ മൂന്നുദിവസം മുമ്പ് താഴേക്ക് വീണിരുന്നു. മെയ് 3ന് പ്രദര്‍ശനത്തിനെത്തിയ ചിത്രത്തിന്റെ കളക്ഷന്‍ റിപ്പോര്‍ട്ടാണ് പുറത്തു വന്നിരിക്കുന്നത്. ആറു ദിവസങ്ങള്‍ പിന്നിടുമ്പോള്‍ 3.83 കോടി മാത്രമേ സിനിമയ്ക്ക് നേടാന്‍ ആയുള്ളൂ.
മെയ് 8, ബുധനാഴ്ച, 'നടികര്‍'റിലീസ് ചെയ്ത് ആറ് ദിവസങ്ങള്‍ പിന്നിട്ടു. ഇന്ത്യന്‍ ബോക്സ് ഓഫീസില്‍ നിന്ന് ഇതേ ദിവസം 32 ലക്ഷം മാത്രമേ നേടാനായുള്ളൂ. റിലീസ് ചെയ്ത ശേഷമുള്ള ഏറ്റവും താഴ്ന്ന കളക്ഷന്‍ കൂടിയാണിത്.
സമ്മിശ്ര പ്രതികരണങ്ങള്‍ പുറത്തുവന്നതോടെ തിയേറ്ററുകളിലെ ഒക്യുപ്പന്‍സി നിരക്കും കുറഞ്ഞു.മെയ് 8 ബുധനാഴ്ച, മൊത്തത്തില്‍ 10.73% ഒക്യുപന്‍സി സ്വന്തമാക്കി.
മൈത്രി മൂവി മെക്കേഴ്സ് ആദ്യമായി മലയാളത്തില്‍ നിര്‍മ്മിക്കുന്ന ചിത്രം കൂടിയാണിത്.ഗോഡ് സ്പീഡ് ആന്‍ഡ് മൈത്രിമൂവി മേക്കേഴ്‌സിന്റെ ബാനറില്‍ നവീന്‍ യേര്‍നേനി, വൈ. രവിശങ്കര്‍, അലന്‍ ആന്റണി,അനൂപ് വേണുഗോപാല്‍ എന്നിവരാണ് ഈ ചിത്രം നിര്‍മിക്കുന്നത്.
ബാല എന്ന കഥാപാത്രമായാണ് സൗബിന്‍ എത്തുന്നത് .സൂപ്പര്‍സ്റ്റാര്‍ ഡേവിഡ് പണിക്കര്‍ എന്ന കഥാപാത്രമായി ടോവിനോയും സിനിമയില്‍ ഉണ്ടാകും.
40 കോടി ബജറ്റിലാണ് ചിത്രം നിര്‍മ്മിച്ചിരിക്കുന്നത്.
ഡിജിറ്റല്‍ മാര്‍ക്കറ്റിംഗ്: അനൂപ് സുന്ദര്‍, പിആര്‍ഒ: ശബരി.
