അറിയാവുന്ന കാര്യം പറയും, ആരേയും കുടുക്കാൻ കള്ളം പറയില്ല: മഞ്ജു വാര്യർ

ദിലീപിനെ കുടുക്കാനാണോ മഞ്ജു ശ്രമിക്കുന്നത്? - താരം വ്യക്തമാക്കുന്നു

നടിയെ ആക്രമിച്ച കേസിൽ ദിലീപിനെതിരായി പൊലീസ് സമർപ്പിച്ച കുറ്റപത്രത്തിൽ നടി മഞ്ജു വാര്യരാണ് പ്രധാന സാക്ഷിയാകുന്നത്. പൊലീസ് സാക്ഷിയാക്കിയതോടെ മഞ്ജു സമ്മർദ്ദത്തിലാണെന്ന് റിപ്പോർട്ടുകൾ വന്നിരുന്നു. എന്നാൽ, ആരെയെങ്കിലും കുടുക്കുന്നതിനായി കള്ളം പറയാൻ ഒരുക്കമല്ലെന്ന നിലപാടിലാണ് മഞ്ജു. 

പൊലീസിന്റെ നിലപാട് എന്താണെന്ന് നോക്കാതെ നടിയെ ആക്രമിച്ച കേസുമായി ബന്ധപ്പെട്ട് തനിക്കറിയാവുന്ന കാര്യങ്ങൾ താരം തുറന്നു പറയുമെന്ന് മഞ്ജുവിനോട് അടുത്ത വൃത്തങ്ങൾ പറയുന്നു. തനിക്കറിയാവുന്ന കാര്യങ്ങ‌ൾ എവിടേയും പറയും, എന്നാൽ ആരേയും കുടുക്കുന്നതിനായി കള്ളം പറയില്ലെന്നും മഞ്ജുവിനു നിർബന്ധമുണ്ട്.

കോടതിയിൽ ദിലീപിനെതിരെ നിന്നാണ് മഞ്ജു മൊഴി നൽകേണ്ടത്. നടിയെ ആക്രമി‌ച്ച കേസിൽ ഗൂഢാലോചന നടന്നിട്ടുണ്ടെന്ന് ആദ്യം പറഞ്ഞത് മഞ്ജു ആയിരുന്നു. എന്നാൽ, ഗൂഢാലോചനയ്ക്ക് പിന്നിൽ ദിലീപാണെന്ന് മഞ്ജു പറഞ്ഞിട്ടില്ലെന്നും സാക്ഷി പട്ടികയിൽ ഉൾപ്പെടുത്തിയത് തന്റെ അറിവോടെ അല്ലെന്നും മഞ്ജു പറഞ്ഞതായി മംഗളം റിപ്പോർട്ട് ചെയ്യുന്നു.