സംസ്ഥാന വനിതാ കമ്മീഷന്‍ അധ്യക്ഷയ്ക്ക് വധഭീഷണി; മനുഷ്യ വിസര്‍ജ്ജനം തപാലില്‍ എത്തിയെന്ന് ജോസഫൈന്
പി സി ജോര്‍ജിനെതിരെ കേസെടുത്ത വനിതാ കമ്മീഷന്‍ അധ്യക്ഷയ്ക്ക് വധഭീഷണി
സംസ്ഥാന വനിതാകമ്മീഷന്‍ അധ്യക്ഷ എം സി ജോസഫൈന് വധഭീഷണി. തനിക്ക് ഭീഷണിക്കത്ത് കിട്ടിയെന്ന് ജോസഫൈന് ഏഷ്യാനെറ്റ് ന്യൂസിനോട് പറഞ്ഞു. നടിയെ ആക്രമിച്ച കേസുമായി ബന്ധപ്പെട്ട് വിവാദ പരാമര്‍ശങ്ങള്‍ നടത്തിയ പി സി ജോര്‍ജിനെതീരെ കേസെടുത്ത ശേഷമാണ് തനിക്ക് വധഭീഷണി വന്നതെന്നും ജോസഫൈന് വ്യക്തമാക്കി.
നടിയുടെ കേസില്‍ ഇടപെട്ട ശേഷം നിരവധി തവണ തനിക്ക് ഊമക്കത്തുക്കള്‍ കിട്ടിയിരുന്നുവെന്നും പോസ്റ്റലായി മനുഷ്യ വിസർജ്ജം ലഭിച്ചെന്നും കത്തുകളില്‍ അസഭ്യവര്‍ഷമായിരുന്നുവെന്നും ജോസഫൈന് പറയുന്നു. സിനിമയിലെ വനിതാ കൂട്ടായ്മ അംഗങ്ങള്‍ക്കും ഭീഷണിയുള്ളതായി ജോസഫൈന് പറയുന്നു. ഭീഷണികളെ വകവയ്ക്കുന്നില്ലെന്നും ശക്തമായി മുന്നോട്ടുപോകുമെന്നും ജോസഫൈന് വ്യക്തമാക്കി.
(കടപ്പാട്: ഏഷ്യാനെറ്റ് ന്യൂസ്)
