‘സംസ്ഥാനസമിതിയില്‍ നിന്നും ഇറങ്ങിപ്പോയിട്ടില്ല, തന്നെ വളര്‍ത്തിയ പാര്‍ട്ടിക്ക് വിമര്‍ശിക്കാനുള്ള അധികാരവുമുണ്ട്’: പി ജയരാജന്‍
തന്നെ വളര്‍ത്തിയ പാര്‍ട്ടിക്ക് വിമര്‍ശിക്കാനുള്ള അധികാരവുമുണ്ട്’: പി ജയരാജന്‍
സംസ്ഥാനസമിതിയില്‍ നിന്നും ഇറങ്ങിപ്പോയെന്ന വാര്‍ത്ത വസ്തുതാവിരുദ്ധമാണെന്ന് സിപിഐഎം കണ്ണൂര്‍ ജില്ലാ സെക്രട്ടറി പി ജയരാജന്‍. അതേസമയം സംസ്ഥാനസമിതിയില്‍ വിമര്‍ശനങ്ങള്‍ ഉണ്ടായെന്ന വാര്‍ത്ത അദ്ദേഹം ശരിവെച്ചു. തന്നെ വളര്‍ത്തിയ പാര്‍ട്ടിക്ക് തന്നെ വിമര്‍ശിക്കാനുള്ള അധികാരമുണ്ടെന്നും അദ്ദേഹം വ്യക്തമാക്കി.
കമ്യൂണിസ്റ്റുപാര്‍ട്ടിയുടെ ഏത് പാര്‍ട്ടി കമ്മിറ്റിയിലും വിമര്‍ശനം ഉണ്ടാകണം. ഏത് പാര്‍ട്ടിപ്രവര്‍ത്തകനും സ്വയം വിമര്‍ശനത്തിന് തയ്യാറാകണം. വിമര്‍ശനം ഇല്ലെങ്കില്‍ കമ്യൂണിസ്റ്റുപാര്‍ട്ടി ഇല്ല. വിമര്‍ശനത്തില്‍ ഉള്‍ക്കൊള്ളേണ്ടവയാണെങ്കില്‍ ഉള്‍ക്കൊള്ളുംമെന്നും അദ്ദേഹം പറഞ്ഞു.
പാര്‍ട്ടിയ്ക്കകത്ത് എന്തെല്ലാമാണ് ചര്‍ച്ച ചെയ്തതെന്ന് മാധ്യമങ്ങളോട് പറയാനാവില്ല. പാര്‍ട്ടിയുടെ സംസ്ഥാനസമിതിയില്‍ നിന്നും ഇറങ്ങിപ്പോയെന്ന വാര്‍ത്ത വാസ്തവവിരുദ്ധമാണ്. തെറ്റായ വാര്‍ത്തകള്‍ നിഷേധിക്കുക തന്നെ വേണം. താനുമായി ബന്ധപ്പെട്ട് ഉണ്ടാക്കുന്ന ഗാനങ്ങളും ആല്‍ബങ്ങളും തന്നോട് ചോദിച്ചിട്ടല്ല ചെയ്യുന്നതെന്നും ജയരാജന്‍ പറഞ്ഞു.
