ഗുജറാത്തില്‍ ബിജെപി ശക്തികേന്ദ്രങ്ങളില്‍ കോണ്‍ഗ്രസിന് വന്‍മുന്നേറ്റം?
ഗുജറാത്തില്‍ ബിജെപിയുടെ പിന്തുണ കുറയുന്നു?
ഗുജറാത്ത് നിയമസഭാ തെരഞ്ഞെടുപ്പില്‍ ബിജെപിയുടെ വോട്ടുബാങ്കില്‍ വലിയ ചോര്‍ച്ചയുണ്ടാകുമെന്ന് അഭിപ്രായ സര്‍വ്വെ. എബിപി-സിഎസ്ഡിഎസ് നടത്തിയ സര്‍വ്വെയിലാണ് ഇത് വ്യക്തമാക്കിയിരിക്കുന്നത്. ഗുജറാത്തില്‍ 113-121 സീറ്റുകള്‍ നേടി ബിജെപി വിജയിക്കുമെങ്കിലും പാര്‍ട്ടിയുടെ വോട്ടില്‍ വലിയ കുറവുണ്ടാകുമെന്നാണ് സര്‍വ്വേ റിപ്പോര്‍ട്ട് പറയുന്നത്.
ആഗസ്റ്റില്‍ നടത്തിയ ആദ്യ സര്‍വ്വേയില്‍ ബിജെപിക്ക് 59% വോട്ടു ലഭിക്കുമെന്നാണ് പ്രവചിച്ചിരുന്നത്. എന്നാല്‍ പുതിയ സര്‍വ്വേ റിപ്പോര്‍ട്ടില്‍ ബിജെപിയുടെ വോട്ടുഷെയര്‍ 47% ആയി കുറയുമെന്നാണ് പ്രവചനം.
അതേസമയം കോണ്‍ഗ്രസ് 41% ആയി വോട്ടു ഷെയര്‍ ഉയര്‍ത്തുമെന്നും പറയുന്നു.
