മധുവിന്റെ കുടുംബത്തോടൊപ്പം വിഷു ആഘോഷിച്ച് മഞ്ജു വാര്യര്‍!
മധുവിന്റെ കുടുംബത്തിനും ഊരുകാര്‍ക്കും സദ്യ വിളമ്പി മഞ്ജു വാരിയര്‍
അട്ടപ്പാടിയില്‍ ആള്‍ക്കൂട്ട മര്‍ദനത്തെ തുടര്‍ന്ന് കൊലപ്പെട്ട മധുവിന്റെ കോളനിയില്‍ വിഷു ആഘോഷിച്ച് നടി മഞ്ജു വാരിയര്‍. മധുവിന്റെ കുടുംബത്തിനും ഊരുകാര്‍ക്കും വിഷുസദ്യ വിളമ്പി നല്‍കിയായിരുന്നു താരത്തിന്റെ വിഷു ആഘോഷം. ഇന്നലെ ഉച്ചയ്ക്കാണ് മധുവിന്റെ വീട്ടിലേക്ക് മഞ്ജു എത്തിയത്.
മധുവിന്റെ അമ്മയ്ക്കും സഹോദരിമാര്‍ക്കുമൊപ്പം കുറച്ച് സമയം ചിലവഴിച്ചശേഷമാണ് മഞ്ജു മടങ്ങിയത്. വീടിന് സമീപം തയാറാക്കിയ പന്തലില്‍ മഞ്ജു വാരിയര്‍ കുടുംബത്തിനും ഊരുകാര്‍ക്കും സദ്യ വിളമ്പുന്നതിന് നേതൃത്വം നല്‍കി.
മഞ്ജു വാരിയര്‍ ചാരിറ്റബിള്‍ സൊസൈറ്റിയാണ് ചടങ്ങ് സംഘടിപ്പിച്ചത്. മധുവിന്റെ കോളനിയിലെ അംഗങ്ങളുടെ ഒപ്പമാണ് മഞ്ജു സദ്യ കഴിച്ചത്. തനിക്ക് കഴിയുന്ന സന്തോഷം അവര്‍ക്ക് പകര്‍ന്നു നല്‍കുക എന്നത് മാത്രമേ ഉദ്ദേശമുള്ളുവെന്ന് മഞ്ജു വ്യക്തമാക്കി.
