2017ന്‍റെ രാജാവ് മമ്മൂട്ടി തന്നെ, പ്രതീക്ഷിക്കുന്നത് 300 കോടിയിലധികം കളക്ഷന്‍ !

2017ല്‍ മമ്മൂട്ടി തകര്‍ക്കും, ഞെട്ടാന്‍ തയ്യാറായിക്കോളൂ...

Webdunia
തിങ്കള്‍, 2 ജനുവരി 2017 (19:36 IST)
2016 മോഹന്‍ലാലിന്‍റെ വര്‍ഷമായിരുന്നു എന്നതില്‍ ആര്‍ക്കും രണ്ട് അഭിപ്രായമില്ല. മലയാളത്തില്‍ പുലിമുരുകനും ഒപ്പവും. തെലുങ്കില്‍ ജനതാ ഗാരേജ്. മൂന്ന് ചിത്രങ്ങള്‍ കൂടി വാരിക്കൂട്ടിയത് നാനൂറ് കോടിയിലധികം രൂപയാണ്.
 
വളരെ മികച്ച പ്ലാനിംഗിന്‍റെ ഫലമായാണ് ഈ ഫലം മോഹന്‍ലാലിന് ഉണ്ടായത്. എങ്കിലിതാ അതിലും മികച്ച പ്ലാനിംഗോടെയാണ് മമ്മൂട്ടി 2017നെ വരവേല്‍ക്കുന്നത്. ഈ വര്‍ഷം മമ്മൂട്ടിയുടെ ബ്രഹ്‌മാണ്ഡചിത്രം അനൌണ്‍സ് ചെയ്തുകഴിഞ്ഞു - രാജ 2.
 
ഉദയ്കൃഷ്ണയുടെ തിരക്കഥയില്‍ വൈശാഖ് സംവിധാനം ചെയ്യുന്ന ഈ ആക്ഷന്‍ എന്‍റര്‍ടെയ്നര്‍ 30 കോടിയോളം ബജറ്റിലാവും ഒരുങ്ങുക എന്നാണ് സൂചന. ടോമിച്ചന്‍ മുളകുപാടമാണ് നിര്‍മ്മാണം.
 
രഞ്ജിത് സംവിധാനം ചെയ്യുന്ന ‘പുത്തന്‍‌പണം’ ഈ വര്‍ഷം മമ്മൂട്ടിയുടെ വലിയ ചിത്രങ്ങളിലൊന്നാണ്. കള്ളപ്പണത്തിനെതിരെയുള്ള ഒരു സോഷ്യല്‍ സറ്റയറായിരിക്കും ഈ സിനിമയെന്നാണ് സൂചന.
 
ഹനീഫ് അദേനി സംവിധാനം ചെയ്ത ദി ഗ്രേറ്റ് ഫാദര്‍ മമ്മൂട്ടിക്ക് ഏറെ പ്രതീക്ഷയുള്ള സിനിമയാണ്. ഒരു സസ്പെന്‍സ് ഫാമിലി എന്‍റര്‍ടെയ്നറാണ് ഈ സിനിമ. സ്നേഹയാണ് നായിക. 
 
റാഫിയുടെ തിരക്കഥയില്‍ ഷാഫി സംവിധാനം ചെയ്യുന്ന കോമഡി ത്രില്ലറാണ് മമ്മൂട്ടിയുടെ മറ്റൊരു വമ്പന്‍ സിനിമ. സംവിധായകന്‍ സിദ്ദിക്കാണ് ഈ സിനിമ നിര്‍മ്മിക്കുന്നത്. ഉദയ്കൃഷ്ണയുടെ തിരക്കഥയില്‍ അജയ് വാസുദേവ് സംവിധാനം ചെയ്യുന്ന സിനിമയാണ് മറ്റൊരു തകര്‍പ്പന്‍ സിനിമ. ഈ സിനിമയില്‍ കോളജ് പ്രൊഫസറായാണ് മമ്മൂട്ടി അഭിനയിക്കുന്നത്.
 
തിരക്കഥാകൃത്ത് സേതു ആദ്യമായി സംവിധാനം ചെയ്യുന്ന കുടുംബചിത്രത്തില്‍ മമ്മൂട്ടിയാണ് നായകന്‍. ശ്യാംധറിന്‍റെ ഫാമിലി ത്രില്ലറിലും മമ്മൂട്ടി അഭിനയിക്കുന്നു. നാദിര്‍ഷയുടെ ബിഗ്ബജറ്റ് കോമഡി ത്രില്ലറിലും മമ്മൂട്ടി നായകനാവും.
 
അതോടൊപ്പം പ്രേമം എന്ന മെഗാഹിറ്റ് സിനിമയുടെ സംവിധായകന്‍ അല്‍ഫോണ്‍സ് പുത്രന്‍റെ ക്രൈം ത്രില്ലറും ഈ വര്‍ഷം മമ്മൂട്ടിക്കായി കാത്തിരിക്കുന്നുണ്ട്.
 
ഈ പ്രൊജക്ടുകളിലൂടെയൊക്കെ കണ്ണോടിക്കുമ്പോള്‍ 2017 മമ്മൂട്ടിയുടേതായിരിക്കുമെന്ന് പറയാന്‍ രണ്ടാമതൊന്ന് ആലോചിക്കേണ്ടതുണ്ടോ?

ശനിദേവൻ കോപിച്ചാൽ എങ്ങനെ തിരിച്ചറിയാം ?

ഈ നക്ഷത്രക്കാരികളെ വിവാഹം കഴിക്കുന്നവർ ഭാഗ്യവാൻ‌മാർ !

നിങ്ങളുടെ ജനനസംഖ്യ ഒന്ന് ആണോ ? എങ്കില്‍ കോളടിച്ചു !

കേരളത്തില്‍ മോഹന്‍ലാലാണോ രജനികാന്താണോ വലിയ താരം? ടോമിച്ചന് കളിയറിയാം!

മാസം 21 തവണ ശുക്ലവിസര്‍ജനം നടത്തിയാല്‍ കാന്‍സര്‍ തടയാം!

മെഡിക്കൽ ബിൽ പാസാക്കിയത് ദുഃഖകരമെന്ന് ആന്‍റണി

കോടതിയുമായി ഒരു മത്സരത്തിന് സര്‍ക്കാര്‍ ഒരുങ്ങില്ല: പിണറായി

അടുത്ത ലേഖനം