മോഹന്‍ലാല്‍ ചെന്നൈയില്‍, ഇത് പൃഥ്വിക്ക് വേണ്ടിയല്ല; സൂര്യയ്ക്ക് വേണ്ടി!

Webdunia
ചൊവ്വ, 11 സെപ്‌റ്റംബര്‍ 2018 (16:45 IST)
സൂര്യയുടെ പുതിയ സിനിമയുടെ രണ്ടാം ഷെഡ്യൂള്‍ ചിത്രീകരണം ചെന്നൈയില്‍ ആരംഭിച്ചു. കെ വി ആനന്ദ് സംവിധാനം ചെയ്യുന്ന ചിത്രത്തില്‍ വില്ലനാകുന്നത് മലയാളത്തിന്‍റെ മെഗാതാരം മോഹന്‍ലാല്‍ ആണ്. രണ്ടാം ഷെഡ്യൂള്‍ ചിത്രീകരണത്തിനായി മോഹന്‍ലാലും ചെന്നൈയിലെത്തിയിട്ടുണ്ട്.
 
കെ വി ആനന്ദ് - സൂര്യ കൂട്ടുകെട്ടിന്‍റെ ‘അയന്‍’ എന്ന മെഗാഹിറ്റിന്‍റെ രണ്ടാം ഭാഗമാണോ ഈ സിനിമ എന്ന് അഭ്യൂഹം നിലനില്‍ക്കുന്നുണ്ട്. കാരണം സൂര്യയുടെ ഈ ചിത്രത്തിലെ ഗെറ്റപ് തന്നെ. പുറത്തുവന്ന സ്റ്റില്ലുകള്‍ കണ്ടാല്‍ ചിത്രത്തില്‍ സൂര്യ ഒരു കസ്റ്റംസ് ഓഫീസറാണെന്ന് സംശയിക്കണം. അയന്‍ ചിത്രത്തിന്‍റെ ക്ലൈമാക്‍സില്‍ സൂര്യയ്ക്ക് കസ്റ്റംസ് ഡിപ്പാര്‍ട്ടുമെന്‍റില്‍ ജോലി കിട്ടുകയായിരുന്നല്ലോ.
 
പൃഥ്വിരാജിന്‍റെ ലൂസിഫര്‍ എന്ന സിനിമയുടെ സെറ്റില്‍ നിന്നാണ് മോഹന്‍ലാല്‍ ചെന്നൈയില്‍ സൂര്യച്ചിത്രത്തില്‍ ജോയിന്‍ ചെയ്യാനെത്തിയിരിക്കുന്നത്. സൂര്യയ്ക്കൊപ്പം മോഹന്‍ലാല്‍ ആദ്യമായാണ് അഭിനയിക്കുന്നത്. എന്നാല്‍ സംവിധായകന്‍ കെ വി ആനന്ദിനൊപ്പം മോഹന്‍ലാല്‍ നേരത്തേ വര്‍ക്ക് ചെയ്തിട്ടുണ്ട്. തേന്‍‌മാവിന്‍ കൊമ്പത്ത്, മിന്നാരം തുടങ്ങിയ മോഹന്‍ലാല്‍ ചിത്രങ്ങളുടെ ക്യാമറ ചലിപ്പിച്ചത് ആനന്ദ് ആയിരുന്നു.
 
ആര്യ, ബൊമന്‍ ഇറാനി, സയേഷ, സമുദ്രക്കനി തുടങ്ങിയവരാണ് ഈ സിനിമയിലെ മറ്റ് പ്രധാന താരങ്ങള്‍. ലണ്ടനിലെ ആദ്യ ഷെഡ്യൂളിന് ശേഷമാണ് ടീം ഇപ്പോള്‍ ചെന്നൈയിലെത്തിയിരിക്കുന്നത്. ലണ്ടന്‍ ഷെഡ്യൂളിലും മോഹന്‍ലാല്‍ ഉണ്ടായിരുന്നു. ഇനി ഡല്‍ഹിയിലേക്കും അവിടെ നിന്ന് കുളു മനാലിയിലേക്കുമാണ് ചിത്രീകരണസംഘം പറക്കാനൊരുങ്ങുന്നത്.
 
ലൈക പ്രൊഡക്ഷന്‍സ് നിര്‍മ്മിക്കുന്ന ഈ ബിഗ് ബജറ്റ് ആക്ഷന്‍ ത്രില്ലറിന് പേര് നിശ്ചയിച്ചിട്ടില്ല.

ഇക്കാര്യത്തിൽ മമ്മൂട്ടിയും നയൻ‌താരയും ഒരേ നാണയത്തിലെ ഇരു വശങ്ങൾ?!

ഇച്ചായന്‍ - കിടുക്കാന്‍ മമ്മൂട്ടി, ത്രസിച്ച് ആരാധകര്‍ !

അണിയറയിൽ ഒരുങ്ങുന്നത് ദളപതി 63; മാസ്സ് എന്റര്‍ടെയിനര്‍ ഉറപ്പിച്ച്‌ വിജയ് - ആറ്റ്‌ലി കൂട്ടുകെട്ട് വീണ്ടും

മാസം 21 തവണ ശുക്ലവിസര്‍ജനം നടത്തിയാല്‍ കാന്‍സര്‍ തടയാം!

മമ്മൂട്ടിയുടെ രണ്ട് അഡാറ് പടങ്ങള്‍ വരുന്നു - ഭൂതം 2, ക്ലീറ്റസ് 2 !

അനുബന്ധ വാര്‍ത്തകള്‍

അടുത്ത ലേഖനം