കോഹ്‌ലിയുടെ ഇഷ്ടക്കാരെല്ലാം പുറത്തേക്ക് !; രണ്ടാം ടെസ്റ്റിനു മുമ്പായി ടീം ഇന്ത്യയില്‍ വന്‍ അഴിച്ചുപണി

Webdunia
വ്യാഴം, 11 ജനുവരി 2018 (16:56 IST)
ദക്ഷിണാഫ്രിക്കയ്‌ക്കെതിരെ നടന്ന ആദ്യ ടെസ്റ്റില്‍ ദയനീയ പരാജയം ഏറ്റുവാങ്ങിയ ടീം ഇന്ത്യയില്‍ വന്‍ അഴിച്ചുപണിയുണ്ടായേക്കുമെന്ന് റിപ്പോര്‍ട്ട്. ഓപ്പണര്‍ ശിഖര്‍ ധവാന്‍, രോഹിത്ത് ശര്‍മ്മ എന്നിവര്‍ക്ക് പകരമായി അജങ്ക്യ രഹാനയും കെഎല്‍ രാഹുലും ടീമിലേക്കെത്തിയേക്കുമെന്നാണ് റിപ്പോര്‍ട്ടുകള്‍ പറയുന്നത്.
 
ആദ്യ ടെസ്റ്റില്‍ രഹാനയേയും രാഹുലിനേയും ഒഴിവാക്കി ധവാനെയും രോഹിത്തിനേയും ടീമിലെടുത്ത ഇന്ത്യന്‍ നായകന്‍ വിരാട് കോഹ്ലിയ്‌ക്കെതിരെ വലിയ വിമര്‍ശനമാണ് ഉയര്‍ന്നു വരുന്നത്. ഇരുവരുടേയും മോശം പ്രകടനവും ടീം തോല്‍‌വി ഏറ്റുവാങ്ങിയതുമാണ് കോഹ്ലിയ്ക്ക് വിനയായത്.
 
വിരാട് കോഹ്ലിയുടെ ഇഷ്ടക്കാരെന്ന നിലയിലാണ് ടെസ്റ്റ് സ്‌പെഷ്യലിസ്റ്റുകളെ അവഗണിച്ച് രോഹിതും ധവാനും  ടീമിലെത്തിയതെന്നും വിമര്‍ശനമുണ്ടായിരുന്നു. ഇന്ത്യന്‍ സെലക്ഷനെ കുറിച്ച് സൗരവ് ഗാംഗുലി ഉള്‍പ്പടെയുള്ളവര്‍ രൂക്ഷ വിമര്‍ശനവുമായാണ് രംഗത്തെത്തിയത്. 
 
ഇതാണ് രണ്ടാം ടെസ്റ്റിനുള്ള ടീമില്‍ വന്‍ അഴിച്ചുപണി നടത്താന്‍ ടീം മാനേജ്‌മെന്റിനെ പ്രേരിപ്പിക്കുന്നത്. രാഹുല്‍, രഹാനെ എന്നിവര്‍ക്കൊപ്പം ഉമേശ് യാദവോ ഇഷാന്ത് ശര്‍മ്മയോ ടീമിലെത്തിയേക്കുമെന്നാണ് സൂചന. കഴിഞ്ഞ ദിവസങ്ങളില്‍ ഈ താരങ്ങള്‍ കൂടുതല്‍ സമയം നെറ്റ്‌സില്‍ പരിശീലനം നടത്തിയിരുന്നു. 
 
ബൗളിങ് കോച്ച് ഭരത് അരുണ്‍, ത്രോ സ്‌പെഷ്യലിസ്റ്റ് രഘു, സഞ്ജയ് ബംഗാര്‍ എന്നിവരുടെ നേതൃത്വത്തിലാണ് രാഹുലും രഹാനെയും ഇഷാന്തും പരിശീലനം നടത്തിയത്. ജനുവരി 13നാണ് ഇന്ത്യ-ദക്ഷിണാഫ്രിക്ക പരമ്പരയിലെ രണ്ടാം ടെസ്റ്റ് മല്‍സരം തുടങ്ങുന്നത്. സെഞ്ചൂറിയനിലാണ് മത്സരം.

എട്ട് വിക്കറ്റിന് പാകിസ്ഥാനെ തകർത്ത് ഇന്ത്യയ്‌ക്ക് തകർപ്പൻ ജയം

ആ റെക്കോര്‍ഡും കൊഹ്‌ലിക്ക് സ്വന്തം; പഴങ്കഥയായത് ഗവാസ്‌കറുടെ റെക്കോര്‍ഡ്

ഐപിഎല്‍ ഒത്തുകളി: ശ്രീനിവാസന് സുപ്രീംകോടതി മൂക്ക് കയറിട്ടു

കെപിസിസി അധ്യക്ഷ സ്ഥാനം ലഭിക്കാത്തതിൽ കെ സുധാകരന് അതൃപ്തി; പ്രതിഷേധത്തിന് ഒരുങ്ങിയിരിക്കാൻ നിർദ്ദേശം

മമ്മൂട്ടിക്ക് തിരക്കോട് തിരക്ക്, മമ്മൂട്ടിക്ക് പകരം തിലകനെ നായകനാക്കി സംവിധായകന്‍റെ മറുപടി !

അനുബന്ധ വാര്‍ത്തകള്‍

എട്ട് വിക്കറ്റിന് പാകിസ്ഥാനെ തകർത്ത് ഇന്ത്യയ്‌ക്ക് തകർപ്പൻ ജയം

സസുവോള താരത്തിന്റെ മുഖത്ത് തുപ്പിയ സംഭവത്തിൽ യുവന്റസിന്റെ ഡഗ്ലസ് കോസ്റ്റക്ക് നാലു മത്സരങ്ങളിൽ വിലക്ക്

അടുത്ത ലേഖനം