പ്രാഞ്ചിയേട്ടന്‍ റീമേക്ക് ചെയ്തപ്പോള്‍ മോഹന്‍‌ലാല്‍ നായകന്‍ !

Webdunia
ബുധന്‍, 5 സെപ്‌റ്റംബര്‍ 2018 (17:18 IST)
മലയാളത്തിലെ കള്‍ട്ട് ക്ലാസിക് ആണ് ‘പ്രാഞ്ചിയേട്ടന്‍ ആന്‍റ് ദി സെയിന്‍റ്’. രഞ്ജിത് സംവിധാനം ചെയ്ത ഈ മമ്മൂട്ടിച്ചിത്രം മലയാളത്തിലെ ആക്ഷേപഹാസ്യ ചിത്രങ്ങളുടെ പട്ടികയില്‍ ഒന്നാം നിരയില്‍ ഇടം‌പിടിച്ചിരിക്കുന്നു.
 
തകര്‍പ്പന്‍ ഫാമിലി ആക്ഷന്‍ സിനിമകളുടെ തിരക്കഥാകൃത്ത് എന്ന നിലയില്‍ സ്ഥാനം നേടിയ രഞ്ജിത് കുറിക്കുകൊള്ളുന്ന ഹാസ്യചിത്രങ്ങളും തനിക്ക് വഴങ്ങുമെന്ന് തെളിയിച്ച സിനിമ കൂടിയായിരുന്നു പ്രാഞ്ചിയേട്ടന്‍. എന്തായാലും അതേ ലൈനില്‍ വീണ്ടും ഒരു സിനിമ ഒരുക്കിയിരിക്കുകയാണ് ഇപ്പോള്‍ രഞ്ജിത്.
 
പ്രാഞ്ചിയേട്ടന്‍ പോലെ തന്നെ ആക്ഷേപഹാസ്യവും ഏറെ നര്‍മ്മ മുഹൂര്‍ത്തങ്ങളുമുള്ള ചിത്രമായിരിക്കും മോഹന്‍ലാല്‍ നായകനാകുന്ന ‘ഡ്രാമ’. ഒരു ഫീല്‍ ഗുഡ് സിനിമയായാണ് രഞ്ജിത് ഈ ചിത്രം അവതരിപ്പിക്കുന്നത്.
 
പ്രാഞ്ചിയേട്ടന്‍ ആന്‍റ് ദി സെയിന്‍റ് റീമേക്ക് ചെയ്താല്‍ എങ്ങനെയുണ്ടാവുമോ അതേ അളവില്‍ ഹ്യൂമറുള്ള ചിത്രമായിരിക്കും ‘ഡ്രാമ’ എന്നാണ് അണിയറ പ്രവര്‍ത്തകര്‍ പറയുന്നത്. യുകെയില്‍ സ്ഥിരതാമസമാക്കിയ രാജു എന്നുവിളിക്കുന്ന രാജശേഖരന്‍റെയും ഭാര്യ രേഖയുടെയും കഥയാണ് ഡ്രാമ. മോഹന്‍ലാലും ആശാ ശരത്തുമാണ് ഈ കഥാപാത്രങ്ങളെ അവതരിപ്പിക്കുന്നത്.
 
അരുന്ധതി നാഗ്, സിദ്ദിക്ക്, ദിലീഷ് പോത്തന്‍, ശ്യാമപ്രസാദ്, രണ്‍ജി പണിക്കര്‍, കനിഹ, ജോണി ആന്‍റണി തുടങ്ങിയവര്‍ ഈ സിനിമയിലെ പ്രധാന കഥാപാത്രങ്ങളെ അവതരിപ്പിക്കുന്നു.

മമ്മൂട്ടിക്ക് തിരക്കോട് തിരക്ക്, മമ്മൂട്ടിക്ക് പകരം തിലകനെ നായകനാക്കി സംവിധായകന്‍റെ മറുപടി !

കോടികള്‍ വാരി കുട്ടനാടന്‍ ബ്ലോഗിന്‍റെ കുതിപ്പ്; ബോക്സോഫീസ് പടയോട്ടത്തില്‍ ഹരിയേട്ടന്‍ മുന്നില്‍ !

ആഷിഖ്‌ അബുവിന്റെ വൈറസിൽ നിന്ന് കാളിദാസൻ പുറത്ത്!

സാമ്പത്തിക അഭിവൃദ്ധിക്ക് ‘ലാഫിങ് ബുദ്ധ‘ !

വരത്തന്‍ വ്യാഴാഴ്ച വരുന്നു; മമ്മൂട്ടിയെ ഞെട്ടിക്കുമോ അമല്‍ നീരദ്?

അനുബന്ധ വാര്‍ത്തകള്‍

അടുത്ത ലേഖനം