‘കേരളത്തെ സഹായിക്കണം’- പ്രളയക്കെടുതിയില്‍ കേരളത്തിന് കൈത്താങ്ങാകാന്‍ യുഎഇ

Webdunia
ശനി, 18 ഓഗസ്റ്റ് 2018 (10:11 IST)
പ്രളയക്കെടുതി നേരിടുന്ന കേരളത്തിനെ സഹായിക്കാന്‍ യുഎഇ രംഗത്ത്. കേരളത്തിലെ ദുരിതാശ്വാസ പ്രവര്‍ത്തനങ്ങള്‍ക്കായി യു.എ.ഇ ദേശീയ അടിയന്തര സമിതിക്ക് രൂപം നല്‍കി. യുഎഇയുടെ വിജയത്തിനു കേരള ജനത എക്കാലവും ഒപ്പമുണ്ടായിരുന്നുവെന്നും പ്രളയ ബാധിതരെ പിന്തുണയ്ക്കാനും സഹായിക്കാനും നമുക്കും ഉത്തരവാദിത്വം ഉണ്ടെന്ന് ദുബായ് ഭരണാധികാരി ഹിസ് ഹൈനസ് ശെയ്ഖ് ഖലീഫ ബിന്‍ സായിദ് അല്‍ നഹ്യാന്‍ സാമൂഹ്യമാധ്യമങ്ങളിൽ കുറിച്ചു.
 
എമിറേറ്റ് റെഡ്ക്രസന്റ് അടക്കമുള്ള വിവിധ മനുഷ്യാവകാശ സംഘടനകളെ ഉള്‍പ്പെടുത്തിയാണ് സമിതി രൂപീകരിച്ചത്.വെള്ളപ്പൊക്കത്തിൽ നൂറിലധികം പേര്‍ മരിക്കുകയും ആയിരക്കണക്കിനാളുകള്‍ ദുരിതാശ്വാസ ക്യാമ്പുകളിലുമാണ്. ആയിരക്കണക്കിന് പേര്‍ക്ക് വീട് നഷ്ടപ്പെടുകയും ചെയ്തിട്ടുണ്ട്. അതിനാല്‍ അടിയന്ത പ്രാധാന്യത്തോടെ കേരളത്തിനെ സഹായിക്കാന്‍ ഈ സമിതി രംഗത്തെത്തുമെന്നും അറിയിച്ചു.
 
യുഎഇ ഭരണാധികാരിയുടെ ഫെയ്‌സ്ബുക്ക് പോസ്റ്റ്:
 
സഹോദരീ സഹോദരൻമാരെ, ഇന്ത്യയിലെ കേരള സംസ്ഥാനം കനത്ത പ്രളയത്തിലൂടെ കടന്നുപോവുകയാണ്. നൂറ്റാണ്ടിലെ ഏറ്റവും മാരകമായ പ്രളയമാണിത്. നൂറുകണക്കിനാളുകൾ മരിച്ചു, ആയിരക്കണക്കിനാളുകൾ ഭവന രഹിതരായി. ഈദ് അൽ അദ്ഹയുടെ മുന്നോടിയായി, ഇന്ത്യയിലെ സഹോദരങ്ങൾക്ക് സഹായ ഹസ്തം നീട്ടാൻ മറക്കരുത്.
 
ദുരിത ബാധിതരെ സഹായിക്കാൻ യു എ ഇ യും ഇന്ത്യൻ സമൂഹവും ഒരുമിച്ചു പ്രവർത്തിക്കും. അടിയന്തര സഹായം നൽകാൻ ഞങ്ങൾ ഒരു കമ്മിറ്റി രൂപവത്കരിച്ചിട്ടുണ്ട്.
 
ഈ സംരംഭത്തിലേക്ക് ഉദാരമായി സംഭാവനചെയ്യാൻ ഏവരോടും ഞങ്ങൾ അഭ്യർഥിക്കുന്നു. യു എ ഇയുടെ വിജയത്തിന് കേരള ജനത എക്കാലവും ഉണ്ടായിരുന്നു. പ്രളയ ബാധിതരെ പിന്തുണക്കാനും സഹായിക്കാനും നമുക്ക് പ്രത്യേക ഉത്തരവാദിത്വമുണ്ട്. വിശേഷിച്ച് ഈദ് അൽ അദ്ഹയുടെ പരിശുദ്ധവും അനുഗ്രഹീതവുമായ ഈ സന്ദർഭത്തിൽ.

ജീവനക്കാരുടെ അശ്രദ്ധ, മർദം നിയന്ത്രിച്ചില്ല; യാത്രക്കാരുടെ മൂക്കിൽ നിന്നും ചെവിയിൽ നിന്നും രക്തം, വിമാനം തിരിച്ചിറക്കി

കെപിസിസി അധ്യക്ഷ സ്ഥാനം ലഭിക്കാത്തതിൽ കെ സുധാകരന് അതൃപ്തി; പ്രതിഷേധത്തിന് ഒരുങ്ങിയിരിക്കാൻ നിർദ്ദേശം

കൊച്ചിയിലെ ‘ഞരമ്പൻ പൊലീസ്‘ പിടിയിൽ

ഇത് ഒരു ഷുവര്‍ ഹിറ്റായിരിക്കുമെന്ന് മമ്മൂട്ടി പറഞ്ഞു, പക്ഷേ അഭിനയിക്കാന്‍ തയ്യാറായില്ല!

അമ്മയാകാനൊരുങ്ങി കാവ്യ; ബേബി ഷവർ ആഘോഷത്തിന്റെ ചിത്രങ്ങൾ പുറത്ത്

അനുബന്ധ വാര്‍ത്തകള്‍

ജീവനക്കാരുടെ അശ്രദ്ധ, മർദം നിയന്ത്രിച്ചില്ല; യാത്രക്കാരുടെ മൂക്കിൽ നിന്നും ചെവിയിൽ നിന്നും രക്തം, വിമാനം തിരിച്ചിറക്കി

കൊച്ചിയിലെ ‘ഞരമ്പൻ പൊലീസ്‘ പിടിയിൽ

പതിനൊന്ന് മണിക്ക് തുടങ്ങുന്ന ചോദ്യം ചെയ്യലിൽ തെളിവുകൾ നിരത്തിയുള്ള ക്രോസ്‌ വിസ്‌താരം; ബിഷപ്പ് ഫ്രാങ്കോ മുളയ്‌ക്കലിനെ ഇന്ന് അറസ്‌റ്റ് ചെയ്‌തേക്കും

കോൺഗ്രസിന് ലഭിച്ചത് മികച്ചൊരു ടീമിനെ: വി എം സുധീരൻ

അടുത്ത ലേഖനം