മലയാളികളുടെ പ്രിയപ്പെട്ട നടിയാണ് അശ്വതി മേനോന്‍. 2000 ല്‍ പുറത്തിറങ്ങിയ സത്യം ശിവം സുന്ദരം എന്ന സിനിമയിലൂടെയാണ് താരം സിനിമയിലെത്തിയത്.തുടര്‍ന്നുള്ള രണ്ട് വര്‍ഷക്കാലം അഭിനയ ലോകത്ത് നടി സജീവമായിരുന്നു. പിന്നീട് 15 വര്‍ഷത്തെ ഇടവേളക്കു ശേഷം അശ്വതിയുടെ തിരിച്ചുവരവാണ് ആരാധകര്‍ കണ്ടത്.
'റോള്‍ മോഡല്‍സ്' എന്ന ചിത്രത്തിലൂടെയാണ് അശ്വതി വീണ്ടും സിനിമയില്‍ തിരിച്ചെത്തിയത്. രണ്ടാം വരവില്‍ 'ജൂണ്‍', 'ട്രാന്‍സ്' തുടങ്ങിയ സിനിമകളില്‍ മികച്ച പ്രകടനം കാഴ്ചവച്ചു. മലയാളത്തിലും തമിഴിലുമായി 12 ഓളം സിനിമകളില്‍ അശ്വതി അഭിനയിച്ചു.
ശംഭോ മഹാദേവ, സാവിത്രിയുടെ അരഞ്ഞാണം , ഒന്നാമന്‍, തെങ്കാശിപ്പട്ടണം തമിഴ് റീമേക്ക് തുടങ്ങിയ ചിത്രങ്ങളില്‍ എറണാകുളം സ്വദേശിയായ അശ്വതി അഭിനയിച്ചു.
ഇംഗ്ലീഷ് സാഹിത്യത്തില്‍ എം.എ. ബിരുദം നേടിയ നടി അബുദാബിയിലെ ന്യൂയോര്‍ക്ക് ഫിലിം അക്കാദമിയില്‍ നിന്ന് സിനിമ അഭിനയത്തില്‍ ഡിപ്ലോമയും നേടിയിട്ടുണ്ട്.
