ഹോങ്കോങ് സിക്സസ് 2025: തുടർച്ചയായി 4 കളികളിൽ പൊട്ടി, ഇന്ത്യയുടെ ക്യാമ്പയിൻ അവസാനിച്ചു

ഹോങ്കോങ് സിക്‌സസ് 2025ല്‍ കളിച്ച എല്ലാ മത്സരത്തിലും പരാജയപ്പെട്ട് ക്യാമ്പയിന്‍ അവസാനിപ്പിച്ച് ഇന്ത്യ. ദിനേശ് കാര്‍ത്തികിന്റെ നായകത്വത്തിന് കീഴില്‍ ഇറങ്ങിയ ഇന്ത്യ കുവൈറ്റ്, യുഎഇ, നേപ്പാള്‍ ടീമുകളോട് പരാജയപ്പെട്ടിരുന്നു. അവസാന മത്സരത്തില്‍ ശ്രീലങ്കക്കെതിരെ 48 റണ്‍സിനാണ് ഇന്ത്യ പരാജയപ്പെട്ടത്. ഓരോ ടീമിനും 6 ഓവറുകള്‍ വീതമുള്ള അതിവേഗ ഫോര്‍മാറ്റാണ് ഹോങ്കോങ് സിക്‌സസ്.

ശ്രീലങ്കക്കെതിരായ മത്സരത്തില്‍ 6 ഓവറില്‍ 138 റണ്‍സാണ് ഇന്ത്യ വഴങ്ങിയത്. മറുപടി ബാറ്റിങ്ങിനിറങ്ങിയ ഇന്ത്യയ്ക്ക് 6 ഓവറില്‍ 90 റണ്‍സ് മാത്രമാണ് നേടാനായത്. ഇന്ത്യന്‍ നിരയില്‍ ഭരത് ചിപ്ലി 13 പന്തില്‍ 41 റണ്‍സും സബ്സ്റ്റിറ്റിയൂട്ട് ക്യാപ്റ്റനായ സ്റ്റുവര്‍ട്ട് ബിന്നി 9 പന്തില്‍ 25 റണ്‍സും നേടി. പാകിസ്ഥാനെതിരെ വിജയത്തോടെയാണ് ടൂര്‍ണമെന്റ് തുടങ്ങിയതെങ്കിലും തുടര്‍മത്സരങ്ങളിലെല്ലാം ഇന്ത്യ പരാജയമേറ്റുവാങ്ങുകയായിരുന്നു.