ടെസ്റ്റ് മത്സരങ്ങള്‍ ദിവസങ്ങള്‍ മാത്രം അവശേഷിക്കെ ഇംഗ്ലണ്ടിനെ വെല്ലുവിളിച്ച് ഇന്ത്യന്‍ താരം ചേതേശ്വര്‍ പൂജാര. ഇംഗ്ലീഷ് ടീമിനെ നേരിടാനുള്ള കരുത്തമായിട്ടാണ് ഞങ്ങള്‍ ഗ്രൌണ്ടിലിറങ്ങുക. ഒന്നോ രണ്ടോ താരങ്ങളെ മാത്രം ആശ്രയിക്കുന്ന രീതി പിന്തുടരാനില്ലെന്നും അദ്ദേഹം പറഞ്ഞു.
വിദേശ പിച്ചുകളില്‍ കളിച്ച് ശീലിച്ച പരിചയസമ്പന്നരാണ് ഇപ്പോള്‍ കൂടെയുള്ളത്. അതിനാല്‍ 2014ല്‍ ഇംഗ്ലണ്ടില്‍ സന്ദര്‍ശനം നടത്തിയ ടീമുമായി ഞങ്ങളെ താരതമ്യം ചെയ്യാന്‍ കഴിയില്ല. നാട്ടില്‍ പേസ് പിച്ചുകള്‍ ഉള്ളതിനാല്‍ ഇംഗ്ലണ്ട് പേസ് ബോളര്‍മാരെ നേരിടുന്നതില്‍ ഞങ്ങള്‍ക്ക് ആശങ്കയില്ലെന്നും പുജാര വ്യക്തമാക്കി.
ഇംഗ്ലീഷ് പേസ് ബോളര്‍മാര്‍മാരായ ജയിംസ് ആന്‍ഡേഴ്‌സനെയും സ്റ്റുവര്‍ട്ട് ബോര്‍ഡിനേയും എങ്ങനെ നേരിടാമെന്ന ആശങ്ക ആര്‍ക്കിമില്ല. അവരുടെ എല്ലാ ബോളര്‍മാരെയും നേരിടാനുള്ള ശേഷി ഇപ്പോഴത്തെ ഇന്ത്യന്‍ ടീമിനുണ്ടെന്നും ഇന്ത്യന്‍ താരം കൂട്ടിച്ചേര്‍ത്തു.