ആരാധകരുടെ കാത്തിരിപ്പിന് വിരാമം. ഫഹദ് ഫാസില്‍ നായകനായെത്തിയ ആവേശം ഒടിടിയിലേയ്ക്ക്. 26 ദിവസങ്ങളായി തിയേറ്ററുകളില്‍ പ്രദര്‍ശനം തുടരുന്ന ചിത്രം കഴിഞ്ഞ ദിവസവും ഒരു കോടിക്ക് മുകളില്‍ കളക്ഷന്‍ ഇന്ത്യയില്‍നിന്ന് മാത്രം നേടിയിരുന്നു. ഇപ്പോഴും തിയേറ്ററില്‍ എത്തി സിനിമ കാണാന്‍ ആളുകളുണ്ട്. പുതിയ സിനിമകള്‍ മാറി വന്നിട്ടും ആവേശം കുലുങ്ങിയില്ല. വിജയകരമായി പ്രദര്‍ശനം തുടരുമ്പോള്‍ തന്നെ സിനിമയുടെ ഒടിടി റിലീസ് പ്രഖ്യാപനവും വന്നു. മെയ് 9ന് സിനിമ ഒടിടിയിലെത്തുമെന്നാണ് റിപ്പോര്‍ട്ടുകള്‍. ആമസോണ്‍ പ്രൈമിലൂടെയാണ് ചിത്രം പ്രദര്‍ശനത്തിനെത്തുന്നത്.
രോമാഞ്ചത്തിന് ശേഷം ജിത്തു മാധവന്‍ സംവിധാനം ചെയ്ത 'ആവേശം' ഏപ്രില്‍ 11-നാണ് തിയേറ്റുകളില്‍ എത്തിയത്. അന്‍വര്‍ റഷീദ് എന്റര്‍ടൈന്‍മെന്റ്സിന്റെ ബാനറില്‍ അന്‍വര്‍ റഷീദും ഫഹദ് ഫാസില്‍ ആന്‍ഡ് ഫ്രണ്ട്സിന്റെ ബാനറില്‍ നസ്രിയ നസീമും ചേര്‍ന്നാണ് ചിത്രം നിര്‍മിച്ചിരിക്കുന്നത്.
ആദ്യ 25 ദിവസങ്ങളില്‍ നിന്ന് മാത്രം 79.60 കോടി ഇന്ത്യ കളക്ഷന്‍ നേടി.ആവേശത്തിന്റെ 26-ാം ദിവസത്തെ ബോക്സ് ഓഫീസ് കളക്ഷനും ഒക്യുപന്‍സി വിവരങ്ങളും ഇതാ.26-ാം ദിവസം 1.10 കോടി ഇന്ത്യന്‍ ബോക്സ് കളക്ഷന്‍ നേടി.
26 ദിവസത്തെ ഇന്ത്യയുടെ മൊത്തം കളക്ഷന്‍ 80.70 കോടിയാണ്.26 ദിവസത്തെ വേള്‍ഡ് വൈഡ് കളക്ഷന്‍ 146.90 കോടിയാണ്.
