സാങ്കേതിക വിദ്യാഭ്യാസ വകുപ്പിന്‍റെ കീഴില്‍ പ്രവര്‍ത്തിക്കുന്ന കളമശ്ശേരി സൂപ്പര്‍വൈസറി ഡവലപ്മെന്‍റ് സെന്‍ററില്‍ ഗവ. അംഗീകാരത്തോടെയുളള ഒരു വര്‍ഷത്തെ ഇന്‍ഡസ്ട്രിയല്‍ സേഫ്റ്റി/ഫയര്‍ സേഫ്റ്റി എന്‍ജിനിയറിംഗ്‌ പാര്ട്ട് ടൈം ഡിപ്‌ളോമ കോഴ്സുകള്‍ക്ക്‌ അപേക്ഷ ക്ഷണിച്ചു.
ഏതെങ്കിലും ശാഖകളിലുളള എന്‍ജിനിയറിങ്ങ്‌ ബിരുദമോ ഡിപ്‌ളോമയോ ഉളളവര്‍ക്കും കണക്ക്‌ മുഖ്യ വിഷയമായോ ഉപവിഷയമായോ ഉളള ഏതെങ്കിലും ബിരുദവും ഉളളവര്‍ക്കും പ്രസ്തുത പരീക്ഷ എഴുതി ഫലം പ്രതീക്ഷിക്കുന്നവര്‍ക്കും അപേക്ഷിക്കാം. പ്രായം 45 വയസ്സ്‌.പ്രസിദ്ധ സ്ഥാപനങ്ങള്‍ സ്പോണ്‍സര്‍ ചെയ്യുന്നവര്‍ക്ക്‌ വയസ്സിളവ്‌ ലഭിക്കും.
അപേക്ഷാഫാറം സൂപ്പര്‍വൈസറി ഡവലപ്മെന്‍റ് സെന്‍റര്‍, കളമശ്ശേരിയില്‍ നിന്നും നേരിട്ട്‌ വാങ്ങാവുന്നതാണ്‌.തപാലില്‍ വേണ്ടവര്‍ അസിസ്റ്റന്‍റ് ഡയറക്ടര്‍, സൂപ്പര്‍വൈസറി ഡെവലപ്മെന്‍റ് സെന്‍റര്‍, കളമശ്ശേരി, എറണാകുളം എന്ന അഡ്രസ്സില്‍ സ്റ്റേറ്റ്‌ ബാങ്ക്‌ ഓഫ്‌ ട്രാവന്‍കൂറിന്‍റെ കളമശ്ശേരി നോര്‍ത്ത്‌ ബ്രാഞ്ചില്‍ മാറാവുന്ന 100 രൂപയുടെ ഡി.ഡിയും മതിയായ സ്റ്റാമ്പ്‌ ഒട്ടിച്ച്‌ സ്വന്തം മേല്‍വിലാസം എഴുതിയ കവറും സഹിതം അപേക്ഷിക്കണം.
അപേക്ഷ അസിസ്റ്റന്‍റ് ഡയറക്ടര്‍, സൂപ്പര്‍വൈസറി ഡെവലപ്മെന്‍റ് സെന്‍റര്‍, കളമശ്ശേരി, എറണാകുളം എന്ന വിലാസത്തില്‍ അയയ്ക്കണം. വിവരങ്ങള്‍ക്ക്‌ ഫോണ്‍- 0484-2556530