ദിലീപിന്‍റെ വാര്‍ത്ത അറിയാനായി ടിവി വയ്ക്കാറില്ല, തെറ്റ് ചെയ്താല്‍ ശിക്ഷ എന്നായാലും ലഭിക്കും: മാമുക്കോയ

ദിലീപിന്റെ വാര്‍ത്തകള്‍ അറിയാനായി താന്‍ ടിവി വയ്ക്കാറില്ലെന്ന് നടന്‍ മാമുക്കോയ. തെറ്റ് ചെയ്താല്‍ എന്നായാലും ശിക്ഷ ലഭിക്കുമെന്നും മാമുക്കോയ പറയുന്നു. എല്ലാ മേഖലയിലും കള്ളന്‍‌മാരുണ്ടെന്നും എന്നാല്‍ ആ മേഖലയെ മുഴുവന്‍ അതുകൊണ്ട് കുറ്റം പറയാന്‍ കഴിയുമോ എന്നും മാമുക്കോയ ചോദിക്കുന്നു.

മനോരമ ന്യൂസ് ഡോട്ട് കോമിന് അനുവദിച്ച അഭിമുഖത്തിലാണ് മാമുക്കോയ ഇക്കാര്യം പറയുന്നത്. “തെറ്റ് ചെയ്തവര്‍ ശിക്ഷ അനുഭവിക്കും. നമ്മള്‍ ആരെയും ഉപദ്രവിക്കരുത്. അതിനുള്ള ശിക്ഷ എന്നായാലും ലഭിക്കും. ദിലീപ് കുറ്റം ചെയ്തിട്ടുണ്ടെങ്കില്‍ കോടതി ശിക്ഷിക്കട്ടെ” - മാമുക്കോയ പറയുന്നു. 

“ദിലീപിന്റെ വാര്‍ത്തകള്‍ അറിയാനായി ടിവി വയ്ക്കാറില്ല. പത്രത്തില്‍ കാണാറുണ്ട്. ഇത്തരം വാര്‍ത്തകള്‍ക്കൊന്നും ഞാന്‍ ചെവി കൊടുക്കാറില്ല. സിനിമയില്ലാത്ത സമയത്ത് കുടുംബകാര്യങ്ങള്‍ നോക്കി വീട്ടിലിരിക്കും” - മനോരമയ്ക്ക് അനുവദിച്ച അഭിമുഖത്തില്‍ മാമുക്കോയ വ്യക്തമാക്കുന്നു.