ആരാധകരില്‍ ആവേശം നിറച്ച് കല്‍ക്കിയിലെ പുതിയ ഗാനം പുറത്ത്, യൂട്യൂബില്‍ തരംഗമായി 'ഭൈരവ'സോങ്

കല്‍കി 2898 എഡി റിലീസിന് ഒരുങ്ങുകയാണ്. പ്രഭാസ് നായകനായ എത്തുന്ന സിനിമയുടെ എല്ലാ അപ്‌ഡേറ്റുകള്‍ക്കും വലിയ സ്വീകാര്യത ലഭിക്കാറുണ്ട്. ആരാധകരില്‍ ആവേശം നിറച്ച് പുതിയ പാട്ടുകൂടി പുറത്തിറങ്ങിയിരിക്കുകയാണ്. 

പ്രഭാസിന്റെ 'ഭൈരവ' എന്ന കഥാപാത്രത്തെ കൂടുതല്‍ മനസ്സിലാകുന്നത് ആകും ഈ ഗാനരംഗം.സന്തോഷ് നാരായണന്‍ സംഗീതം ഒരുക്കിയ പാട്ട് മലയാളം, ഹിന്ദി, തമിഴ്, കന്നഡ എന്നീ ഭാഷകളിലും റിലീസ് ചെയ്യും.

നടനും ഗായകനുമായ ദില്‍ജിത്ത് ദോസാന്‍ഝ് ആദ്യമായി ഒരു തെലുങ്ക് സിനിമയ്ക്ക് ആലപിച്ച ഗാനം കൂടിയാണിത്.

വൈജയന്തി മൂവീസിന്റെ ബാനറില്‍ പ്രഭാസ് - നാഗ് അശ്വിന്‍ കൂട്ടുകെട്ടില്‍ ഒരുങ്ങുന്ന 'കല്‍ക്കി 2898 എ.ഡി ജൂണ്‍ 27-നാണ് റിലീസ് ചെയ്യുന്നത്.