'സൂര്യ 40' ഒരുങ്ങുന്നു,ടൈറ്റിലും ഫസ്റ്റ് ലുക്കും സൂര്യയുടെ ജന്മദിനത്തില്‍

'സൂര്യ 40' ഒരുങ്ങുകയാണ്. സംവിധായകന്‍ പാണ്ടിരാജ് സിനിമയെ കുറിച്ചൊരു അപ്‌ഡേറ്റ് നല്‍കി.ചിത്രത്തിന്റെ 35% ഷൂട്ടിംഗ് പൂര്‍ത്തിയായതായും നിലവിലെ സാഹചര്യം ശരിയായാല്‍ ഉടന്‍ ചിത്രീകരണം പുനരാരംഭിക്കുമെന്നും അദ്ദേഹം പറഞ്ഞു. ജൂലൈ മാസത്തില്‍ ടൈറ്റില്‍ പുറത്തുവിടുമെന്നും സംവിധായകന്‍ ഉറപ്പുനല്‍കി. 

സൂര്യയുടെ ജന്മദിനം ജൂലൈ 23 നാണ്. അന്നേദിവസം ടൈറ്റിലും ഫസ്റ്റ് ലുക്ക് പോസ്റ്ററും പുറത്തുവിടാന്‍ സാധ്യതയുണ്ട്.

വന്‍ താരനിരയുള്ള മാസ് ആക്ഷന്‍ എന്റര്‍ടെയ്നറാണ് 'സൂര്യ 40'. 'ഗ്യാങ് ലീഡര്‍' എന്ന ചിത്രത്തിലൂടെ ശ്രദ്ധേയയായ പ്രിയങ്ക അരുള്‍ മോഹനാണ് നായിക. സത്യരാജ്, ശരണ്യ പൊന്‍വണ്ണന്‍, ജയപ്രകാശ്, ഇളവരശന്‍, ദേവദര്‍ശനി, ശരണ്‍ എന്നിവരാണ് മറ്റ് പ്രധാന വേഷങ്ങളില്‍ എത്തുന്നത്.രത്നവേലു ചായാഗ്രഹണവും റൂബന്‍ എഡിറ്റിംഗും നിര്‍വഹിക്കുന്നു. ഡി ഇമ്മന്‍ ചിത്രത്തിനായി സംഗീതം ഒരുക്കുന്നു.