'ആയിഷ' ഒരിക്കലും നിരാശപ്പെടുത്തില്ല; പുതിയ സിനിമാ അനുഭവം നല്‍കും:ആമിര്‍ പള്ളിക്കല്‍

ആദ്യത്തെ മലയാള-അറബിക് ചിത്രമാണ് 'ആയിഷ'. മഞ്ജു വാര്യര്‍ കേന്ദ്ര കഥാപാത്രമായി എത്തുന്ന സിനിമ ജനുവരി 20ന് പ്രദര്‍ശനത്തിന് എത്തും.നവാഗതനായ ആമിര്‍ പള്ളിക്കല്‍ സംവിധാനം ചെയ്യുന്ന ചിത്രം നിര്‍മ്മിക്കുന്നത് സംവിധായകന്‍ സക്കറിയയാണ്. രചന ആഷിഫ് കക്കോടി.

''ആയിഷ ഒരിക്കലും നിങ്ങളെ നിരാശപ്പെടുത്തില്ല; അത് നിങ്ങള്‍ക്ക് ഒരു പുതിയ സിനിമാ അനുഭവം നല്‍കും. ഒരു പരമ്പരാഗത മലയാള സിനിമയില്‍ നിന്ന് വ്യത്യസ്തമായ ഒരു പാതയിലൂടെ സഞ്ചരിക്കാനാണ് ഈ സിനിമ ഇഷ്ടപ്പെടുന്നതെങ്കിലും, ഇത് മലയാളത്തിലെ ഒരു കുടുംബ കേന്ദ്രീകൃത ചിത്രമാണ്'-ആമിര്‍ പള്ളിക്കല്‍ പറഞ്ഞു. 

ചിത്രീകരണം പൂര്‍ണമായും ഗള്‍ഫ് നാടുകളിലാണ്.മലയാളത്തിനും അറബിക്കിനും പുറമെ ഇംഗ്ലീഷിലും മറ്റ് ഇന്ത്യന്‍ ഭാഷകളിലും ചിത്രം പ്രദര്‍ശനത്തിനെത്തും.