ക്രിസ്മസ് കാലം ആഘോഷമാക്കാന്‍, ഇന്ന് തിയേറ്ററുകളില്‍ എത്തുന്ന മലയാള സിനിമകള്‍

ഇന്ന് തിയേറ്ററുകളില്‍ എത്തുന്ന മലയാളത്തിലെ പ്രധാനപ്പെട്ട സിനിമകളെക്കുറിച്ച് വായിക്കാം. 

നാലാം മുറ

ബിജു മേനോനും ഗുരു സോമസുന്ദരവും ആദ്യമായി ഒന്നിക്കുന്ന ത്രില്ലര്‍ ചിത്രമാണ് നാലാം മുറ. ദീപു അന്തിക്കാട് സംവിധാനം ചെയ്യുന്ന ചിത്രം ഒരു മൈന്‍ഡ് ഗെയിം ത്രില്ലറാണ്. ചിത്രം ഇന്നുമുതല്‍ തിയേറ്ററുകളില്‍.

ആനന്ദം പരമാനന്ദം

ഇത്തവണത്തെ ക്രിസ്മസ് കാലം ചിരിച്ച് ആഘോഷമാക്കാന്‍ സംവിധായകന്‍ ഷാഫിയുടെ 'ആനന്ദം പരമാനന്ദം'വരുന്നു. ഇന്നുമുതല്‍ ചിത്രം തിയേറ്ററുകളില്‍.

പഞ്ചവര്‍ണതത്ത, ആനക്കള്ളന്‍ എന്നീ സിനിമകള്‍ക്ക് ശേഷം സപ്ത തരംഗ് ക്രിയേഷന്‍സ് നിര്‍മിക്കുന്ന ചിത്രം കൂടിയാണിത്. ഫാമിലി എന്റര്‍ടെയ്നറായാണ് ചിത്രം.ഇന്ദ്രന്‍സ്, ഷറഫുദ്ദീന്‍, അജു വര്‍ഗീസ്, ബൈജു സന്തോഷ്, അനഘ നാരായണന്‍, വനിതാ കൃഷ്ണ ചന്ദ്രന്‍ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.

ഓ മേരി ലൈല

ആന്റണി വര്‍ഗീസിനെ നായകനാക്കി സുഹൃത്ത് കൂടിയായ അഭിഷേക് കെഎസ് സംവിധാനം ചെയ്യുന്ന 'ഓ മേരി ലൈല' ഇന്നുമുതല്‍ തിയേറ്ററുകളിലേക്ക്. ഇപ്പോഴിതാ സിനിമയുടെ സെന്‍സറിംഗ് നടപടികള്‍ പൂര്‍ത്തിയായി.ക്ലീന്‍ യു സര്‍ട്ടിഫിക്കറ്റാണ് ലഭിച്ചിരിക്കുന്നത്.

വെയില്‍ എന്ന സിനിമയിലൂടെ ശ്രദ്ധേയായ സോന ഓലിക്കലാണ് ആന്റണിയുടെ നായികയാകുന്നത്. ലൈലാസുരന്‍ എന്നാണ് ആന്റണി അവതരിപ്പിക്കുന്ന കഥാപാത്രത്തിന്റെ പേര്.