ഒപ്പമുള്ള യാത്ര തുടങ്ങി 8 വർഷം, ഒന്നിച്ച് സൈക്കിൾ ചവിട്ടി നസ്രിയയും ഫഹദും

മലയാളികളുടെ പ്രിയപ്പെട്ട താരജോഡികളാണ് ഫഹദ് ഫാസിലും നസ്രിയയും. 2014ലായിരുന്നു ഇരുവരും തമ്മിലുള്ള വിവാഹം നടന്നത്. പ്രിയ താരങ്ങൾ സ്കീനിലേത് പോലെ ജീവിതത്തിലും ഒത്തുചേർന്നത് ഇരുകയ്യും നീട്ടിയാണ് ആരാധകർ സ്വീകരിച്ചത്. ഇരുവരും ഒത്ത് ചേർന്നുള്ള എട്ടാം വാർഷികം ആഘോഷിക്കുകയാണ് താരദമ്പതികൾ ഇപ്പോൾ. ഈ അവസരത്തിൽ നസ്രിയ പങ്കുവെച്ച ഇൻസ്റ്റഗ്രാം പോസ്റ്റാണ് ഇപ്പോൾ വൈറലായിരിക്കുന്നത്.

ഫഹദും നസ്രിയയും ചേർന്ന് സൈക്കിളിൽ റൈഡ് ചെയ്യുന്ന വീഡിയോയാണ് നസ്രിയ പങ്കുവെച്ചിരിക്കുന്നത്. ഭ്രാന്തിൻ്റെ മറ്റൊരു വർഷം 8 വർഷം മുൻപ് ഏകദേശം ഈ സമയത്താണ് ഞങ്ങൾ വിവാഹിതരായത്. ദൈവമെ ഇത് ഒരു സവാരിയാണ് എന്നാണ് വീഡിയോയ്ക്ക് നസ്രിയ തലക്കെട്ട് നൽകിയിരിക്കുന്നത്. ആരാധകരും താരങ്ങളുമെല്ലാം താരജോഡികൾക്ക് ആശംസകൾ നേർന്നിട്ടുണ്ട്.

View this post on Instagram

A post shared by Nazriya Nazim Fahadh (@nazriyafahadh)

2014 ഓഗസ്റ്റ് 21നായിരുന്നു ഫഹദും നസ്രിയയും തമ്മിലുള്ള വിവാഹം. ഇരുവരും ഒന്നിച്ചഭിനയിച്ച അഞ്ജലി മേനോൻ സംവിധാനം ചെയ്ത ബാംഗ്ലൂർ ഡെയ്സ് പുറത്തിറങ്ങിയതിന് പിന്നാലെയായിരുന്നു വിവാഹം. തുടർന്ന് അഭിനയത്തിൽ നിന്ന് ചെറിയ ഇടവേള എടുത്ത നസ്രിയ 2018ൽ അഞ്ജലി മേനോൻ സംവിധാനം ചെയ്ത കൂടെ എന്ന ചിത്രത്തിലൂടെയാണ് അഭിനയരംഗത്തിലേക്ക് തിരികെ വന്നത്.