പഞ്ചായത്ത് 3 മുതൽ മിർസാപൂർ 3 വരെ, 2024ൽ ആമസോൺ പ്രൈമിൽ വമ്പൻ ചിത്രങ്ങൾ, ഏതെല്ലാമെന്ന് അറിയാം

Amazone Prime 2024,Prime series,Prime Movies

2024ല്‍ ഇന്ത്യയില്‍ സ്ട്രീം ചെയ്യുന്ന പുതിയ സീരീസുകളും സിനിമകളും പ്രഖ്യാപിച്ച് ആമസോണ്‍ പ്രൈം. മിര്‍സാപൂര്‍ 3,പഞ്ചായത്ത് 3, ഗുല്‍ക്കണ്ട ടെയില്‍സ് എന്നിവയടക്കം ശ്രദ്ധേയമായ സീരീസുകളാണ് ആമസോണ്‍ ഈ വര്‍ഷം പ്രേക്ഷകരുടെ മുന്നിലെത്തിക്കുന്നത്. വിജയ് വര്‍മ്മ നായകനാകുന്ന മത്ക കിംഗ് എന്ന സീരീസ് 1960കളിലെ മുംബൈയില്‍ നടക്കുന്ന ഒരു ചൂതാട്ട ഗെയിമുമായി ബന്ധപ്പെട്ട ആക്ഷന്‍ സീരീസാണ്. ഇത്തരത്തില്‍ പ്രേക്ഷകരെ ആകര്‍ഷിക്കുന്ന മറ്റ് ഷോകളെ പറ്റി നോക്കാം.

ആമസോണിന്റെ ജനപ്രിയ സീരീസായ മിര്‍സാപൂരിന്റെ മൂന്നാം സീസണാണ് ഇത്തവണത്തെ പ്രധാന ആകര്‍ഷണം. ഏറെക്കാലത്തെ കാത്തിരിപ്പിന് ശേഷമാണ് മിര്‍സാപൂരിന് പുതിയ സീസണ്‍ സംഭവിക്കുന്നത്. ജിതേന്ദ്ര കുമാര്‍,നീന ഗുപ്ത,രഘുബീര്‍ യാദവ് എന്നിവര്‍ അഭിനയിക്കുന്ന പഞ്ചായത്തിന്റെ മൂന്നാം സീസണും ഈ വര്‍ഷമുണ്ടാകും. ഭൂമി പഡ്‌നേക്കര്‍ നായികയായെത്തുന്ന ക്രൈം ത്രില്ലറായ ദല്‍ദല്‍. സിറ്റാഡന്‍ എന്ന ക്രൈം  ഇന്റര്‍ നാഷണല്‍ സ്‌പൈ ത്രില്ലറിന്റെ ഇന്ത്യന്‍ പതിപ്പായ ഹണി ബണ്ണിയും ഈ വര്‍ഷം ഇറങ്ങും. ഫാമിലി മാന്‍ സീരീസ് സംവിധാനം ചെയ്ത രാജ് ആന്‍ഡ് ഡികെയാണ് സീരീസിന് പിന്നില്‍. വരുണ്‍ ധവാനും സാമന്തയുമാണ് സീരീസില്‍ പ്രധാനവേഷങ്ങള്‍ അവതരിപ്പിക്കുന്നത്.

അനന്യ പാണ്ഡെ നായികയാകുന്ന കോള്‍ മീ ബേ, കരണ്‍ ജോഹര്‍ നിര്‍മിക്കുന്ന തമന്ന പ്രധാന വേഷങ്ങളിലെത്തുന്ന ഡയറിങ് പാര്‍ട്ണര്‍. ഉര്‍ഫി ജാവേദിന്റെ റിയാലിറ്റി ഷോ ഫോളോ കര്‍ യാര്‍, ശാലിനി പാണ്ഡെ നായികയാകുന്ന ബാന്റ് വാല. പങ്കജ് ത്രിപാഠി കുനാല്‍ കേമു എന്നിവര്‍ പ്രധാനവേഷങ്ങളിലെത്തുന്ന തുംബാഡ് സംവിധായകന്റെ ഗോല്‍കൊണ്ട ടെയില്‍സ് എന്നിവയാണ് ഈ വര്‍ഷം ആമസോണ്‍ ഇറക്കുന്ന പ്രധാന പ്രൊജക്ടുകള്‍.