ആൻമരിയ കലിപ്പിലാണ്, സണ്ണി വെയ്ൻ മാത്രമല്ല ദുൽഖറുമുണ്ട്

ആൻമരിയ കലിപ്പിലാണ്, ട്രെയിലറിൽ ദുൽഖറും

ആട് ഒരു ഭീകരജീവി എന്ന ചിത്രത്തിന് ശേഷം മിഥുൻ മാനുവൽ തോമസ് സംവിധാനം ചെയ്യുന്ന ചിത്രമാണ് 'ആൻമരിയ കലിപ്പിലാണ്'. ചിത്രത്തിന്റെ ട്രെയിലർ അണിയറ പ്രവർത്തകർ പുറത്തിറക്കി. ആന്‍മരിയ എന്ന ടൈറ്റില്‍ റോളിലെത്തുന്നത് ദൈവത്തിരുമകള്‍, ജസ്ബ എന്നീ ചിത്രങ്ങളിലൂടെ ശ്രദ്ധേയായ ബേബി സാറയാണ്. സണ്ണി വെയിനാണ് കേന്ദ്ര നായക വേഷം ചെയ്യുന്നത്.

ട്രെയിലറിൽ ദുൽഖർ സൽമാനെയും കാണിക്കുന്നുണ്ട്. ചിത്രത്തിൽ അതിഥി കഥാപാത്രത്തെയാണ് ദുൽഖർ അവതരിപ്പിക്കുന്നത്. ഷാന്‍ റഹ്മാന്റേതാണ് സംഗീതം. ഗുഡ്‌വില്‍ എന്റര്‍ടെയ്ന്‍മെന്റിന്റെ ബാനറില്‍ ആലീസ് ജോര്‍ജാണ് നിര്‍മാണം. പ്ലേഹൗസ് ചിത്രം തീയേറ്ററുകളിലെത്തിക്കുന്നത്. ഓഗ്സ്ത് അഞ്ചിന് ആൻമരിയ പ്രദർശനത്തിനെത്തും.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം