'ഇനി അഭിപ്രായം പറയേണ്ടത് പ്രേക്ഷകരാണ്'; കുഞ്ചാക്കോ ബോബന്റെ 'അറിയിപ്പ്' നെറ്റ്ഫ്‌ലിക്‌സില്‍ എത്തി

കുഞ്ചാക്കോ ബോബന്‍-മഹേഷ് നാരായണന്‍ ടീമിന്റെ അറിയിപ്പിന് ഡയറക്റ്റ് ഒടിടി റിലീസ്. നെറ്റ്ഫ്‌ലിക്‌സില്‍ ഇന്ന് മുതല്‍ സ്ട്രീമിംഗ് ആരംഭിച്ചു.സംവിധാനവും രചനയും നിര്‍വഹിക്കുന്നത് മഹേഷ് നാരായണന്‍ തന്നെയാണ്.ടേക്ക് ഓഫിന് ശേഷം കുഞ്ചാക്കോ ബോബനും മഹേഷ് നാരായണനും ഒന്നിക്കുന്ന ചിത്രം എന്ന പ്രത്യേകത കൂടിയുണ്ട്.

കുഞ്ചാക്കോ ബോബന്‍ സോഷ്യല്‍ മീഡിയയില്‍ പങ്കുവെച്ചത് 

മഹേഷ് നാരായണന്‍ ഇത് വരെ ചെയ്തതില്‍ ഏറ്റവും സംതൃപ്തിയോടെ ചെയ്ത് തീര്‍ത്ത പടം.

മഹേഷ് ഇതുവരെ എഴുതിയതില്‍ ഏറ്റവും  എന്ന് ചാക്കോച്ചന്‍ അഭിപ്രായം പറഞ്ഞ പടം.

ആ അഭിപ്രായം ശരി വെക്കും രീതിയില്‍ മുതല്‍ വരെയുള്ള നിരവധി ഫിലിം ഫെസ്റ്റിവലുകളില്‍ ഇന്റര്‍നാഷണല്‍ മത്സര വിഭാഗത്തിലേക്ക് തിരഞ്ഞെടുക്കപ്പെട്ട് മത്സരിച്ച ചിത്രം..

ഈ വര്‍ഷം  യിലേക്ക് തിരഞ്ഞെടുക്കപ്പെട്ട 2 മലയാള സിനിമകളില്‍ ഒന്ന്.. ( മറ്റൊന്ന് സൗദി വെള്ളക്ക )വിവിധ ഫെസ്റ്റിവല്‍ വഴി പടം കണ്ട സിനിമ ആസ്വാധകരും, നിരൂപകരും ഒന്നടങ്കം പ്രശംസിച്ച ചിത്രം..

ഇനി പടം കാണാന്‍ ഉള്ളതും അഭിപ്രായം പറയേണ്ടതും പ്രേക്ഷകരാണ്..

ദില്ലിയിലെ ഒരു മെഡിക്കല്‍ ഗ്ലൌസ് ഫാക്റ്ററിയില്‍ ജോലി ചെയ്തുവരുന്ന ഹരീഷ്- രശ്മി ദമ്പതിമാരുടെ ജീവിതത്തിലൂടെയാണ് സിനിമ മുന്നോട്ട് പോകുന്നത്. ഈ കഥാപാത്രങ്ങളായി കുഞ്ചാക്കോ ബോബനും ദിവ്യ പ്രഭയും വേഷമിടുന്നു. നല്ലൊരു ജീവിതം സ്വപ്നം കാണുന്ന രണ്ടാളുടെയും ആഗ്രഹം വിദേശത്തേക്ക് പോകണം എന്നതാണ്.കൊവിഡ് എത്തുന്നതോടെ കാര്യങ്ങളെല്ലാം മാറിമറിയുന്നു. പിന്നീട് ഉണ്ടാകുന്ന സംഭവികാസങ്ങളാണ് ചിത്രം പറയുന്നത്.