BigBoss Season 6: ബിഗ് ബോസ് സീസൺ 6 മടുപ്പിക്കുന്നു? ഷോയ്ക്ക് എരിവേകാൻ എത്തുന്നത് ഒന്നല്ല 5 വൈൽഡ് കാർഡ് എൻട്രികൾ

19 പേരുമായാണ് ഇത്തവണ ബിഗ്‌ബോസ് മലയാളം സീസണ്‍ തുടങ്ങിയതെങ്കിലും ഷോ തുടങ്ങി ദിവസങ്ങള്‍ക്കുള്ളില്‍ അഞ്ച് പേരാണ് ഷോയില്‍ നിന്നും പുറത്തായത്. റോക്കിയുടെ അടിയേറ്റ് പുറത്തുപോയ സിജോ ഇപ്പോഴും വിശ്രമത്തില്‍ തുടരുകയാണ്. ആളുകളുടെ എണ്ണം അപ്രതീക്ഷിതമായി ചുരുങ്ങിയത് മാത്രമല്ല ഷോയെ ആക്ടീവ് ആയി നിര്‍ത്തിയിരുന്ന ശക്തരായ മത്സരാര്‍ഥികള്‍ പുറത്തായതോടെ ആകെ നനഞ്ഞ മട്ടിലാണ് ഷോ. എന്നാല്‍ ഈ മടുപ്പകറ്റി ഗെയിം വരിഞ്ഞുമുറുക്കാനായി സീസണിലെ ആദ്യ വൈല്‍ഡ് കാര്‍ഡ് എന്‍ട്രികള്‍ ഈ ആഴ്ചയുണ്ടാകുമെന്നാണ് അറിയുന്നത്.

ഒന്നല്ല അഞ്ച് വൈല്‍ഡ് കാര്‍ഡ് എന്‍ട്രിയെങ്കിലും സീസണില്‍ ഉടനെയുണ്ടാകുമെന്നാണ് അറിയുന്നത്. ബിഗ് ബോസ് ഷോ പലപ്പോഴും സജീവമാക്കുന്നത് ഗെയിം എന്താണെന്ന് പുറത്തുനിന്നും മനസ്സിലാക്കി ഷോയ്‌ക്കെത്തുന്ന വൈല്‍ഡ് കാര്‍ഡ് എന്‍ട്രികളിലൂടെയാണ്. ബിഗ്‌ബോസ് നാലാം സീസണില്‍ ഷോയെ ആകെ മാറ്റിമറിച്ചത് വൈല്‍ഡ് കാര്‍ഡ് എന്‍ട്രിയായി വന്ന റിയാസ് സലീമായിരുന്നു. അവസാനം ഷോയില്‍ മൂന്നം സ്ഥാനത്തിലെത്താന്‍ റിയാസിനായി. ഇത്തവണ വൈല്‍ഡ് കാര്‍ഡ് എന്‍ട്രികളായി അഭിഷേക് ശ്രീകുമാര്‍,നന്ദന,അഭിഷേക് ജയദീപ്,സായ് കൃഷ്ണ,പൂജ,ഡി ജെ സിബിന്‍ തുടങ്ങിയവരുടെ പേരുകളാണ് ഉയര്‍ന്നുകേള്‍ക്കുന്നത്.