'എന്റെ റോയ്ക്ക് ഇപ്പോള്‍ ഈ രൂപമാണ്'; സുരാജിന് നന്ദി പറഞ്ഞ് സംവിധായകന്‍ സുനില്‍ ഇബ്രാഹിം

സുനില്‍ ഇബ്രാഹിം സംവിധാനം ചെയ്ത പുതിയ ചിത്രമാണ് 'റോയ്'. സുരാജ് വെഞ്ഞാറമൂട് ടൈറ്റില്‍ റോളിലെത്തുന്നത്. മികച്ച പ്രകടനം പുറത്തെടുത്തിട്ടുണ്ടെന്ന് തോന്നുന്നു.എന്റെ റോയ്ക്ക് ഇപ്പോള്‍ ഈ രൂപമാണെന്ന് പറഞ്ഞുകൊണ്ട് സുരാജ് വെഞ്ഞാറമൂടിന് നന്ദി പറഞ്ഞിരിക്കുകയാണ് സുനില്‍

'സങ്കല്പത്തില്‍ നിന്നും കഥാപാത്രം സ്വതന്ത്രമാകുന്ന നിമിഷങ്ങള്‍! നടന്‍ കഥാപാത്രത്തിന്റെ ജീവനും ശ്വാസവുമായി മാറുമ്പോള്‍ സിനിമയില്‍ ഞാനേറ്റവും ആസ്വദിക്കുന്നത് ഈ നിമിഷങ്ങളാണ്.എന്റെ റോയ്ക്ക് ഇപ്പോള്‍ ഈ രൂപമാണ്.നന്ദി സുരാജ് വെഞ്ഞാറമൂട്'- സുനില്‍ ഇബ്രാഹിം കുറിച്ചു

ഒരു ഫാമിലി ത്രില്ലര്‍ സിനിമയാണിത്. റോയ് ഒരു അന്തര്‍മുഖനായ വ്യക്തിയാണ്. അവന്റെ ഭാര്യക്ക് ജീവിതത്തെക്കുറിച്ച് വ്യത്യസ്ത വീക്ഷണമുണ്ട്.പിന്നീട് അവരുടെ ജീവിതത്തില്‍ സംഭവിക്കുന്ന കാര്യങ്ങളാണ് സിനിമ പറയുന്നത്. ഷൈന്‍ ടോം ചാക്കോയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.