'നനുത്ത പുഞ്ചിരിയില്‍ വിതറുന്ന ആ സാമീപ്യം ഇനിയുണ്ടാകില്ല';പൂവച്ചല്‍ ഖാദറിന്റെ ഓര്‍മ്മകളില്‍ ജി വേണുഗോപാല്‍

ഗാനരചയിതാവ് പൂവച്ചല്‍ ഖാദറിന്റെ ഓര്‍മ്മകളിലാണ് ജി വേണുഗോപാല്‍. ഒട്ടേറെ ഹിറ്റു ഗാനങ്ങളുടെ രചയിതാവ്.നാട്യങ്ങളേതുമില്ലാതെ, സ്‌നേഹമെന്നും ഒരു നനുത്ത പുഞ്ചിരിയില്‍ വിതറുന്ന ആ സാമീപ്യം ഇനിയുണ്ടാകില്ലെന്നാണ് അദ്ദേഹത്തെ ഓര്‍ത്തുകൊണ്ട് ജി വേണുഗോപാല്‍ കുറിച്ചത്.

'ഖാദറിക്കയും യാത്രയായി.തീര്‍ത്താല്‍ തീരാത്ത ദു:ഖം നമുക്കേകി കോവിഡ് അപഹരിച്ച മറ്റൊരു വിലപ്പെട്ട ജീവന്‍! എത്രയെത്ര ഗാനങ്ങള്‍ ആ തൂലികത്തുമ്പില്‍ പിറന്നിരിക്കുന്നു. എത്രയെത്ര സമാഗമങ്ങള്‍ ഈ തിരുവനന്തപുരം നഗരിയില്‍ നമ്മള്‍ തമ്മില്‍. നാട്യങ്ങളേതുമില്ലാതെ, സ്‌നേഹമെന്നും ഒരു നനുത്ത പുഞ്ചിരിയില്‍ വിതറുന്ന ആ സാമീപ്യം ഇനിയുണ്ടാകില്ല.'- ജി വേണുഗോപാല്‍ കുറിച്ചു.