'പ്രിയപ്പെട്ടവളേ, സംഗീത ലോകത്തേക്ക് സ്വാഗതം'; ഗോപി സുന്ദറിനൊപ്പം മയോനി

അതേസമയം ഗോപി സുന്ദര്‍ പങ്കുവെച്ച ചിത്രങ്ങള്‍ക്കു താഴെ സദാചാരവാദികള്‍ മോശം കമന്റുകളുമായി എത്തിയിട്ടുണ്ട്

Gopi Sundar and Mayoni

സുഹൃത്തായ മയോനി എന്ന പ്രിയ നായരെ സംഗീത ലോകത്തേക്ക് സ്വാഗതം ചെയ്ത് സംഗീതസംവിധായകന്‍ ഗോപി സുന്ദര്‍. 'പ്രിയപ്പെട്ടവളേ, സംഗീത ലോകത്തേക്ക് സ്വാഗതം' എന്നാണ് മയോനിക്കൊപ്പമുള്ള ചിത്രം പങ്കുവെച്ച് ഗോപി സുന്ദര്‍ ഇന്‍സ്റ്റഗ്രാമില്‍ കുറിച്ചത്. 'എന്റെ പുതിയ പരിചയപ്പെടുത്തല്‍, ഗായിക പ്രിയ നായര്‍' എന്നാണ് ഫെയ്‌സ്ബുക്ക് ചിത്രത്തിനൊപ്പം നല്‍കിയിരിക്കുന്ന ക്യാപ്ഷന്‍. 

View this post on Instagram

A post shared by Gopi Sundar Official (@gopisundar__official)

ഹരിദാസ് സംവിധാനം ചെയ്യുന്ന 'താനാരാ' എന്ന ചിത്രത്തിലൂടെയാണ് പ്രിയയുടെ പിന്നണി ഗാനരംഗത്തെ അരങ്ങേറ്റം. ഗോപി സുന്ദര്‍ ഈണമൊരുക്കിയ 'സോന ലഡ്കി' എന്ന ഗാനമാണ് പ്രിയ ഈ ചിത്രത്തില്‍ ആലപിച്ചിരിക്കുന്നത്. ഗോപി സുന്ദറും ആലാപനത്തില്‍ ഭാഗമാണ്. ബി.കെ.ഹരിനാരായണന്‍ ആണ് രചന. 

View this post on Instagram

A post shared by Priya Nair (@_.mayoni._)

ഗോപി സുന്ദറിനൊപ്പം മലയാള ഗാനരംഗത്തേക്ക് ചുവടുവയ്ക്കാന്‍ പറ്റിയതില്‍ സന്തോഷവും ആശ്ചര്യവും ഉണ്ടെന്ന് മയോനിയും കുറിച്ചു. തനിക്ക് ഏറ്റവും പ്രിയപ്പെട്ട വ്യക്തിക്കൊപ്പം ഇങ്ങനെയൊരു അവസരം ലഭിച്ചതില്‍ നന്ദിയുണ്ടെന്നും മയോനി പറഞ്ഞു. 

അതേസമയം ഗോപി സുന്ദര്‍ പങ്കുവെച്ച ചിത്രങ്ങള്‍ക്കു താഴെ സദാചാരവാദികള്‍ മോശം കമന്റുകളുമായി എത്തിയിട്ടുണ്ട്. അവര്‍ക്കെല്ലാം ഗോപി രസകരമായ ഭാഷയില്‍ മറുപടിയും നല്‍കുന്നുണ്ട്.