'അടുത്ത തവണ കാണുമ്പോള്‍ നല്ലൊരു ഫോട്ടോ എടുക്കാം'; മമ്മൂട്ടിയുടെ ഒപ്പമുള്ള താരത്തെ മനസ്സിലായോ ?

മലയാളത്തിന്റെ സ്വകാര്യ അഹങ്കാരം തന്നെയാണ് മമ്മൂട്ടി.അഭിനയത്തില്‍ അഞ്ച് പതിറ്റാണ്ട് പിന്നിട്ട അദ്ദേഹത്തിന് ഇപ്പോഴും ആശംസകള്‍ വന്നുകൊണ്ടിരിക്കുകയാണ്. എല്ലാവര്‍ക്കും നന്ദി പറഞ്ഞുകൊണ്ട് മമ്മൂട്ടി കഴിഞ്ഞ ദിവസം രംഗത്തെത്തിയിരുന്നു.ബല്‍റാം v/s താരദാസിന്റെ സമയത്ത് എടുത്ത ഒരു ചിത്രം പങ്കുവച്ചുകൊണ്ട് അദ്ദേഹത്തിന് ആശംസകള്‍ നേര്‍ന്നിരിക്കുകയാണ് നടി ഉണ്ണിമായ പ്രസാദ്.

'വൂഹൂ .... നടന്‍ എന്ന നിലയില്‍ ബഹുമുഖമായ മമ്മൂക്ക 50 വര്‍ഷം പൂര്‍ത്തിയാക്കുന്നു.ആശ്ചര്യപ്പെടുത്തുന്നു . പെര്‍ഫക്റ്റ് ഒക്കെ.ഞാന്‍ അദ്ദേഹത്തോടൊപ്പമുള്ള ചിത്രങ്ങള്‍ കണ്ടെത്താന്‍ നോക്കി.ബല്‍റാം v/s താരദാസിന്റെ കാലത്തുനിന്നുള്ള ഒരേയൊരു ഫോട്ടോഗ്രാഫ് മാത്രമേ ഉണ്ടായിരുന്നുള്ളൂ. ഒരു വിവാഹത്തില്‍ പങ്കിടുന്നതിനിടയില്‍ എടുത്തതാണ്.അടുത്തതായി കണ്ടുമുട്ടുമ്പോള്‍ നമുക്ക് ഒരു നല്ല ക്ലിക്ക് ചെയ്യാം.വലിയ സ്‌നേഹം മമ്മൂക്ക'- ഉണ്ണിമായ പ്രസാദ് കുറിച്ചു. 

മഹേഷിന്റെ പ്രതികാരം, കുമ്പളങ്ങി നൈറ്റ്‌സ് എന്നീ ചിത്രങ്ങളില്‍ സഹ സംവിധായികയായി പ്രവര്‍ത്തിച്ച ഉണ്ണിമായ അഞ്ചു സുന്ദരികള്‍ എന്ന ചിത്രത്തിലൂടെയാണ് അഭിനയ രംഗത്തേക്ക് തിരിഞ്ഞത്. അഞ്ചാം പാതിരാ എന്ന സിനിമയിലെ ഡിവൈഎസ്പി കാതറിന്‍ മരിയ എന്ന കഥാപാത്രം ഉണ്ണിമായയുടെ കരിയറില്‍ വഴിത്തിരിവായി മാറി. ജോജി ആണ് ഒടുവില്‍ പുറത്തിറങ്ങിയ നടിയുടെ ചിത്രം.