Webdunia - Bharat's app for daily news and videos

Install App

Vivek Oberoi: ഐശ്വര്യ റായുമായി പ്രണയം, സൽമാൻ ഖാൻ ഇല്ലാതാക്കിയ സിനിമ കരിയർ, പക്ഷേ വിവേക് ഒബ്റോയ് ഇന്ന് 1200 കോടിയുടെ സ്വത്തുക്കൾക്ക് ഉടമ

അഭിറാം മനോഹർ
ബുധന്‍, 4 ഡിസം‌ബര്‍ 2024 (18:28 IST)
സിനിമാലോകമെന്നാല്‍ കഴിവ് മാത്രം കൊണ്ട് വിജയിക്കാന്‍ കഴിയുന്ന ഒരു രംഗമല്ല. പ്രത്യേകിച്ച് സിനിമാകുടുംബങ്ങള്‍ നേരിട്ട് ഭരണം നടത്തുന്ന ബോളിവുഡിലും ടോളിവുഡിലും ഒറ്റയ്ക്ക് വഴിവെട്ടുക എന്നത് ഏറെ പ്രയാസമേറിയ കാര്യമാണ്. വമ്പന്‍ താരങ്ങളാകുമെന്ന് കരുതിയ പല താരങ്ങളുടെയും കരിയര്‍ സിനിമയിലെ ഈ സംഘങ്ങള്‍ തകര്‍ത്തിട്ടുണ്ട്.അത്തരത്തില്‍ ബോളിവുഡില്‍ നിന്നും നിഷ്‌കാസിതനായ നടനാണ് വിവേക് ഒബ്‌റോയി.
 
2002ല്‍ പുറത്തിറങ്ങിയ റാം ഗോപാല്‍ വര്‍മയുടെ കമ്പനി എന്ന ഒരൊറ്റ സിനിമയിലൂടെ ഇന്ത്യയാകെ ചര്‍ച്ചയായ താരമായിരുന്നു വിവേക് ഒബ്‌റോയ്. തുടര്‍ന്ന് അലൈപായുതെയുടെ റീമെയ്ക്കായ സാഥിയ,മസ്തി തുടങ്ങിയ സിനിമകളിലൂടെ ബോളിവുഡിലെ അടുത്ത സൂപ്പര്‍ താരമാകും വിവേകെന്നാണ് ആരാധകര്‍ കരുതിയിരുന്നത്. എന്നാല്‍ 2004 ആയപ്പോഴേക്കും ഐശ്വര്യ റായുമായി പ്രണയത്തിലായതോടെ വിവേക് ഒബ്‌റോയിയുടെ കഷ്ടകാലവും തുടങ്ങി. ബോളിവുഡ് സൂപ്പര്‍ താരമായ സല്‍മാന്‍ ഖാന്‍ നേരിട്ടാണ് വിവേക് ഒബ്‌റോയിയെ ഭീഷണിപ്പെടുത്തിയത്. ഇതിനിടയില്‍ ചില സിനിമകള്‍ പരാജയം നേരിട്ടതോടെ വിവേക് ഒബ്‌റോയിക്ക് അവസരങ്ങള്‍ ലഭിക്കാതെയായി. ഇതിന് പിന്നില്‍ സല്‍മാന്‍ ഖാനായിരുന്നു എന്നാണ് ബോളിവുഡിലെ പരസ്യമായ രഹസ്യം.
 
 ഇതിലെല്ലാം മനസ്സ് മടുത്ത വിവേക് ഒബ്‌റോയ് ഇതോടെ സിനിമകള്‍ കാര്യമായി തന്നെ കുറയ്ക്കുകയും കര്‍മ ഇന്‍ഫ്രാസ്ട്രക്ചര്‍ എന്ന പേരില്‍ റിയല്‍ എസ്റ്റേറ്റ് സംരംഭം ആരംഭിക്കുകയും ചെയ്തു. മെഗാ എന്റര്‍ടൈന്മെന്റ് എന്നൊരു ഇവന്റ് മാനേജ്‌മെന്റ് കമ്പനിയും വിവേക് ഒബ്‌റോയ് ആരംഭിച്ചു. ഇത് ഇന്ന് 1200 കോടിയോളം വരുന്ന ബിസിനസാണ്. ഈ കാലയളവില്‍ ഓംകാര,കുര്‍ബാന്‍,ക്രിഷ് 3, മലയാളത്തിലും തെലുങ്കിലുമായി മറ്റ് ചിത്രങ്ങളിലും വിവേക് ഒബ്‌റോയ് ഭാഗമായി.
 
 ഇന്ന് നിലവില്‍ ഇന്ത്യയിലെ ഏറ്റവും പണക്കാരായ 15 താരങ്ങളുടെ പട്ടികയില്‍ രണ്‍ബീര്‍ കപൂര്‍, അല്ലു അര്‍ജുന്‍,പ്രഭാസ്,രജനീകാന്ത് തുടങ്ങിയവരേക്കാള്‍ ആസ്തി വിവേക് ഒബ്‌റോയ്ക്കാണ്.
 
 

അനുബന്ധ വാര്‍ത്തകള്‍

വായിക്കുക

Mammootty: മെഗാസ്റ്റാറിന്റെ തിരിച്ചുവരവില്‍ ആവേശത്തോടെ ആരാധകര്‍; സെപ്റ്റംബര്‍ ആറിനു രാത്രി വിപുലമായ പരിപാടികള്‍

തുടക്കത്തില്‍ വിവാഹം ചെയ്യാന്‍ ഉദ്ദേശിച്ചിരുന്നുവെന്ന് വേടന്റെ അഭിഭാഷകന്‍; പിന്നീട് ബന്ധം വഷളായി

'ഇത് പത്തൊന്‍പതാം നൂറ്റാണ്ടോ'; വിചിത്ര നടപടിയുമായി ഗുരുവായൂര്‍ ദേവസ്വം, യുവതി കാല്‍ കഴുകിയതിനു പുണ്യാഹം

Dileep Case: പ്രതിഷേധവും സമരവും റീത്ത് വെയ്ക്കലും, മമ്മൂട്ടിയുടെ മുഖം കണ്ട് സങ്കടമായി: ദേവൻ

Honey Rose: അമ്മയുടെ പ്രസിഡന്റായി ഒരു സ്ത്രീ വരണമെന്നാണ് ആ​ഗ്രഹം: ഹണി റോസ്

എല്ലാം കാണുക

ഏറ്റവും പുതിയത്

ഓണാവധിയില്‍ മാറ്റമില്ല; സ്‌കൂളുകള്‍ തുറക്കുന്നത് സെപ്റ്റംബര്‍ 8ന്

സ്വകാര്യ ബസില്‍ ജോലി വേണമെങ്കില്‍ പോലീസ് ക്ലിയറന്‍സ് സര്‍ട്ടിഫിക്കറ്റ് വേണം; സര്‍ക്കാര്‍ തീരുമാനം ശരിവെച്ച് ഹൈക്കോടതി

ഇന്ത്യ-ജപ്പാന്‍ സംയുക്ത സാമ്പത്തിക ഫോറം: ഇന്ത്യയുടെ വികസനത്തിന്റെ പ്രധാന പങ്കാളിയാണ് ജപ്പാനെന്ന് പ്രധാനമന്ത്രി നരേന്ദ്രമോദി

സംസ്ഥാനത്ത് സ്വര്‍ണ്ണവില റെക്കോര്‍ഡിലേക്ക്; വില്ലനായത് ട്രംപ്

കടലിലും റഷ്യന്‍ ആക്രമണം; യുക്രൈന്‍ നാവികസേനയുടെ നിരീക്ഷണ കപ്പല്‍ തകര്‍ന്നു

അടുത്ത ലേഖനം
Show comments