വിജയുടെ 'മാസ്റ്റര്‍' തെലുങ്കില്‍ അത്ഭുതങ്ങള്‍ സൃഷ്ടിച്ചു:ജൂനിയര്‍ എന്‍ടിആര്‍

വിജയുടെ മാസ്റ്റര്‍ തെലുങ്കില്‍ അത്ഭുതങ്ങള്‍ സൃഷ്ടിച്ചെന്ന് ജൂനിയര്‍ എന്‍ടിആര്‍.ദക്ഷിണേന്ത്യന്‍ സിനിമയുടെ വളര്‍ച്ചയെക്കുറിച്ച് ജൂനിയര്‍ എന്‍ടിആര്‍ സംസാരിക്കുകയായിരുന്നു .'ആര്‍ആര്‍ആര്‍' റിലീസുമായി ബന്ധപ്പെട്ട് ചെന്നൈയില്‍ പത്ര സമ്മേളനത്തില്‍ അദ്ദേഹത്തിനൊപ്പം രാജമൗലിയും ഉണ്ടായിരുന്നു. 

''ബാഹുബലിക്ക് നന്ദി, പ്രാദേശിക സിനിമകളുടെ തടസ്സങ്ങള്‍ ഇല്ലാതാക്കിയതിന്. വിജയ് സാറിന്റെ മാസ്റ്റര്‍ എങ്ങനെയാണ് രണ്ട് തെലുങ്ക് സംസ്ഥാനങ്ങളിലും അത്ഭുതങ്ങള്‍ സൃഷ്ടിച്ചുവെന്ന് ഞങ്ങള്‍ കണ്ടു.

ധനുഷ് സാറിന്റെ ചിത്രങ്ങളും തെലുങ്ക് ബോക്സ് ഓഫീസില്‍ മികച്ച പ്രകടനം കാഴ്ചവെക്കുന്നുണ്ട്. പ്രതിഭകളെ പ്രോത്സാഹിപ്പിക്കാന്‍ പ്രേക്ഷകര്‍ തയ്യാറാണെന്നതിന്റെ വ്യക്തമായ സൂചനയാണിത്', ജൂനിയര്‍ എന്‍ടിആര്‍ പറഞ്ഞു.

2022 ജനുവരി 7-ന് സിനിമ ലോകമെമ്പാടുമുള്ള തിയറ്ററുകളിലെത്തും.