ഞാൻ ഇന്ന് എന്തെങ്കിലും ആയിട്ടുണ്ടെങ്കിൽ അതിന് വലിയ കാരണം കോലി, തന്ന പിന്തുണ വലുതെന്ന് സിറാജ്

ഐപിഎല്ലില്‍ ചെണ്ടയെന്ന പരിഹാസങ്ങള്‍ കരിയറിന്റെ തുടക്കക്കാലത്ത് കേട്ടിട്ടും ഐപിഎല്ലിലും പിന്നീട് ദേശീയ ടീമിലും അതെല്ലാം മാറ്റിപറയിപ്പിച്ച താരമാണ് മുന്‍ ആര്‍സിബി താരമായ മുഹമ്മസ് സിറാജ്. ഐപിഎല്ലില്‍ നീണ്ട 7 സീസണുകളില്‍ ആര്‍സിബിക്കായി കളിച്ച സിറാജ് ഇത്തവണ ഗുജറാത്ത് ടൈറ്റന്‍സിനൊപ്പമാണ്. 12.25 കോടിക്കാണ് താരത്തെ ഗുജറാത്ത് സ്വന്തമാക്കിയത്. ഇപ്പോഴിതാ കരിയറില്‍ വിരാട് കോലി തനിക്ക് നല്‍കിയ പിന്തുണയെ പറ്റി മനസ്സ് തുറന്നിരിക്കുകയാണ് മുഹമ്മദ് സിറാജ്.

ആര്‍സിബി വിടുകയെന്നത് വൈകാരികമായിരുന്നു. കാരണം എന്റെ മോശം സമയങ്ങളില്‍ വിരാട് കോലി നല്‍കിയ പിന്തുണ വലുതാണ്. അതാണ് എന്റെ കരിയര്‍ ഗ്രാഫിനെ തന്നെ മാറ്റിമറിച്ചത്. സിറാജ് പറഞ്ഞു.