ശത്രുതയിലിരിക്കുന്ന തിലകന്‍,ചാക്കോ മാഷിന്റെ ഭാര്യയായി അഭിനയിക്കാന്‍ വിളിച്ചു, ഓര്‍മ്മകളില്‍ സംവിധായകന്‍ ഭദ്രന്‍

കെപിഎസി ലളിതയുടെ ഓര്‍മ്മകളിലാണ് സംവിധായകന്‍ ഭദ്രന്‍. ഇനിയും എത്രയോ കഥാപാത്രങ്ങള്‍ ബാക്കിയാക്കിയാണ് അവര്‍ യാത്രയായത്.സ്ഫടികത്തിലേക്ക് തിലകന്റെ (ചാക്കോ മാഷ് ) ഭാര്യയായി അഭിനയിക്കാന്‍ വിളിച്ചപ്പോള്‍ ഉണ്ടായ അനുഭവം അദ്ദേഹം പങ്കുവെക്കുന്നു.

ഭദ്രന്റെ വാക്കുകള്‍

ഞാന്‍ ഓര്‍ക്കുന്നു, തിലകന്‍ ചേട്ടന്റെ (ചാക്കോ മാഷ് ) ഭാര്യയായി അഭിനയിക്കാന്‍ വിളിച്ചപ്പോള്‍ വ്യക്തിപരമായി എന്നോട് ശത്രുതയിലിരിക്കുന്ന തിലകന്‍ ചേട്ടന്‍ അഭിനയിക്കുമ്പോള്‍ ഒരു ഭാര്യ പ്രതീക്ഷിക്കുന്ന സ്‌നേഹവും കരുതലും ഒക്കെ ആ കഥാപാത്രത്തില്‍ നിന്ന് എന്നോട് ഉണ്ടാകുമോ? ഒരു നിമിഷം ആലോചിച്ചതിന് ശേഷം ഈ അഭിനയ രാജ്ഞി പറഞ്ഞു ; 

' അതിപ്പോ അങ്ങേര് കാണിച്ചില്ലേലും, ഞാനങ്ങോട്ട് കാണിച്ചാല്‍ പോരേ.. '

അതാണ് KPAC ലളിത. ആ മുഖവും തഞ്ചവും ശബ്ദവും എന്നന്നേക്കുമായി സ്മൃതിയിലേയ്ക്ക് ആണ്ടു പോയതില്‍ മലയാള സിനിമയ്ക്ക് ഒരു തീരാദുഃഖം തന്നെയാണ്. ഇനിയൊരു KPAC ലളിത ഭൂമുഖത്തുണ്ടാവില്ല.