എല്ലാം വരട്ടെ ഒപ്പം നിൽക്കാമെന്നാണ് ഉർവശി പറഞ്ഞത്: മാല പാർവതി

പാര്‍വതി തിരുവോത്തിനെപ്പോലെ കരുത്തുറ്റ പെണ്‍കുട്ടികള്‍ ഉള്ള കാലഘട്ടത്തിലാണ് ജീവിക്കുന്നതെന്നത് അഭിമാനമായ കാര്യമാണെന്ന് നടി മാല പാര്‍വതി. ഇന്‍സ്റ്റഗ്രാം സ്റ്റോറിയിലൂടെയാണ് നടി തന്റെ അഭിപ്രായം തുറന്ന് പറഞ്ഞത്.

ഒരു സ്വാതന്ത്ര്യസമരം പോലെയാണ് എനിക്ക് തോന്നുന്നത്. പാര്‍വതി തിരുവോത്തിന്റെ കാലഘട്ടത്തില്‍ ജീവിച്ചിരിക്കുന്നത് വലിയ അഭിമാനമാണ്. എന്തൊരു വിഷനുള്ള സ്ത്രീയാണ്. പുതിയ ലോകം സൃഷ്ടിക്കുന്നതിനെ പറ്റിയാണ് അവര്‍ ചിന്തിക്കുന്നത്. മാലാ പാര്‍വതി കുറിച്ചു. സ്വന്തമായി അഭിപ്രായം പറയാന്‍ ആര്‍ജവം കാണിക്കുന്ന പാര്‍വതിയെ പോലുള്ളവരുടെ അടുത്തൊന്നും തനിക്കെത്താനാകില്ലെന്നും മാലാ പാര്‍വതി മാധ്യമങ്ങളോട് പറഞ്ഞിരുന്നു. 

ഇനിയിപ്പോള്‍ ഒന്നും നോക്കാനില്ല. എല്ലാം പുറത്തുവരട്ടെ. അവര്‍ക്കൊപ്പം നില്‍ക്കുമെന്ന് ഉര്‍വശി പറഞ്ഞതായും മാല പാര്‍വതി കൂട്ടിച്ചേര്‍ത്തു. ഒരു സ്വാതന്ത്ര്യ സമരമാണ് ഇവിടെ നടക്കുന്നത്. നീതി നടപ്പിലാകണം. അതിന് അന്വേഷണം മാത്രമെ വഴിയുള്ളുവെന്നും അത് അതിന്റെ വഴിയെ നടക്കട്ടെയെന്നും മാല പാര്‍വതി പറഞ്ഞു.