ഇത്തവണ പുഷ്പരാജിനൊപ്പം സാമന്തയില്ല, പകരം ചുവട് വെയ്ക്കുക മലൈക അറോറ

തെന്നിന്ത്യൻ സിനിമാപ്രേമികൾ കാത്തിരിക്കുന്ന പുഷ്പയുടെ രണ്ടാം ഭാഗത്തിൽ അല്ലു അർജുനോടൊപ്പം ചുവട് വെയ്ക്കാൻ മലൈക അറോറ. പുഷ്പയിലെ ഒന്നാം ഭാഗത്തിൽ അല്ലു അർജുനോടൊപ്പം സാമന്ത ചെയ്ത ഐറ്റം ഡാൻസ് വലിയ പ്രേക്ഷക പ്രീതി നേടിയിരുന്നു.

പുഷ്പ 2 വിലും ഇത്തരമൊരു ഡാൻസ് നമ്പർ ഉണ്ടാകുമെന്നാണ് റിപ്പോർട്ടുകൾ. മലൈക അറോറയായിരിക്കും ചിത്രത്തിലെ ഐറ്റം ഡാൻസിലെത്തുക. ഷാരൂഖ് ഖാന്റെ 'ചയ്യ ചയ്യ', സല്‍മാന്‍ ഖാന്റെ 'മുന്നി ബദ്‌നാമുഹൂയി', തുടങ്ങി നിരവധി ഡാന്‍സ് നമ്പറുകളില്‍ തകർത്താടിയ താരം കൂടിയാണ് മലൈക അറോറ.

പുഷ്പ 2 ദ റൂൾ എന്നാണ് ചിത്രത്തിൻ്റെ പേര്. അല്ലു അർജുനും ഫഹദ് ഫാസിലിനുമൊപ്പം വിജയ് സേതുപതിയും ചിത്രത്തിൽ ഒരു പ്രധാന കഥാപാത്രമായെത്തും. രശ്മിക മന്ദാനയാണ് ചിത്രത്തിലെ നായികയായി എത്തുന്നത്.