Webdunia - Bharat's app for daily news and videos

Install App

'മലയന്‍കുഞ്ഞ്' വെറുമൊരു കുഞ്ഞ് സിനിമയല്ല,വലിയൊരുവലിയ സിനിമതന്നെയാണ്: ആന്റോ ജോസഫ്

കെ ആര്‍ അനൂപ്
വെള്ളി, 22 ജൂലൈ 2022 (14:18 IST)
ഫഹദിനെ നായകനായി സജിമോന്‍ പ്രഭാകര്‍ സംവിധാനം ചെയ്ത 'മലയന്‍കുഞ്ഞ്' ഇന്നാണ് തീയേറ്ററുകളില്‍ എത്തിയത്. സിനിമയ്ക്ക് നല്ല പ്രതികരണമാണ് ലഭിക്കുന്നത്.'മലയന്‍കുഞ്ഞ്' വെറുമൊരു കുഞ്ഞ് സിനിമയല്ല,വലിയൊരുവലിയ സിനിമതന്നെയാണെന്ന് നിര്‍മ്മാതാവ് ആന്റോ ജോസഫ് പറയുന്നു.
 
 ആന്റോ ജോസഫിന്റെ വാക്കുകള്‍ 
 
 ഏറെ നാളത്തെ പ്രയത്നത്തിനും കാത്തിരിപ്പിനും ശേഷം കിട്ടുന്നതിന് മധുരവും തിളക്കവും കൂടും. പ്രിയ സുഹൃത്ത് സജിമോന്റെ പേര് സംവിധായകന്‍ എന്ന വിശേഷണത്തിനൊപ്പം ആദ്യമായി സ്‌ക്രീനില്‍ തെളിയുന്നത് അത്തരം പ്രത്യേകതകളോടെയാണ്. വര്‍ഷങ്ങളായി മലയാളത്തിലെ പല പ്രശസ്ത സംവിധായകരുടെയും കൂടെ സഹസംവിധായകനായി പ്രവര്‍ത്തിച്ചതിന്റെ അനുഭവസമ്പത്തുണ്ട് സജിമോന്. അദ്ദേഹം സ്വതന്ത്രസംവിധായകനായി കാണാന്‍ ഏറ്റവും കൂടുതല്‍ ആഗ്രഹിച്ച നിര്‍മാതാക്കളിലൊരാളാണ് ഞാന്‍. എങ്കിലും എന്തുകൊണ്ടോ അതിന് തുനിഞ്ഞില്ല സജി. ഒരുപക്ഷേ നല്ലൊരു അവസരത്തിനുവേണ്ടിയുള്ള കാത്തിരിപ്പായിരുന്നിരിക്കാം. ഇപ്പോഴിതാ 'മലയന്‍കുഞ്ഞി'ലൂടെ സജിമോന്‍ സംവിധായകനായി അരങ്ങേറുന്നു. ഈ സിനിമ ഇന്ന് തീയറ്ററുകളില്‍ പ്രദര്‍ശനം തുടങ്ങിയപ്പോള്‍ അത് സജിയുടെ ക്ഷമയ്ക്ക് കാലം നല്കിയ സമ്മാനമായി മാറുകയാണ്. ഇതില്‍പരം സ്വപ്നസമാനമായ തുടക്കം ഒരാള്‍ക്ക് കിട്ടാനില്ല. ചിത്രം നിര്‍മിക്കുന്നത് മലയാളത്തിന്റെ പ്രിയപ്പെട്ട ഫാസില്‍ എന്ന പാച്ചിക്ക. തിരക്കഥയും ഛായാഗ്രഹണവും ചുരുക്കം സിനിമകളിലൂടെ നമ്മെ അമ്പരപ്പിക്കുകയും കൈയടിപ്പിക്കുകയും ചെയ്ത മഹേഷ് നാരായണന്‍. പ്രധാനവേഷത്തില്‍ ഇന്ത്യന്‍സിനിമയുടെ തന്നെ അഭിമാനതാരങ്ങളിലൊന്നായ ഫഹദ് ഫാസില്‍. തലമുറകളുടെ സംഗമമായി ഒരു സിനിമ. ഇതിനെല്ലാം അപ്പുറം 'മലയന്‍കുഞ്ഞ്' വിശിഷ്ടമാകുന്നത് എ.ആര്‍.റഹ്‌മാന്‍ എന്ന അദ്ഭുതത്തിന്റെ സാന്നിധ്യം കൊണ്ടുകൂടിയാണ്. മൂന്നുപതിറ്റാണ്ടിനുശേഷം ഇന്ത്യയുടെ സംഗീതമാന്ത്രികന്‍ അദ്ദേഹത്തിന്റെ പിതാവിന്റെ പാട്ടുകളുറങ്ങുന്ന മലയാളത്തിലേക്ക് മടങ്ങിവരുന്നു. ഇതില്‍പ്പരം എന്ത് നേട്ടമാണ് ആദ്യസിനിമയില്‍ ഒരാള്‍ക്ക് കിട്ടാനാകുക? 'മലയന്‍കുഞ്ഞ്' വെറുമൊരു കുഞ്ഞ് സിനിമയല്ല,വലിയൊരുവലിയ സിനിമതന്നെയാണ്. സജിമോന് എല്ലാ ഭാവുകങ്ങളും....
 

അനുബന്ധ വാര്‍ത്തകള്‍

വായിക്കുക

സുശാന്ത് ആത്മഹത്യ ചെയ്തത് തന്നെ, മരണത്തിൽ റിയയ്ക്ക് പങ്കില്ല; അന്തിമ റിപ്പോർട്ട് സമർപ്പിച്ച് കേസ് അവസാനിപ്പിച്ച് സിബിഐ

മലയാള സിനിമയുടെ അംബാസഡർഷിപ്പാണ് എന്റെ ഏറ്റവും വലിയ സ്വപ്നം, വൈറലായി പൃഥ്വിയുടെ വാക്കുകൾ

Mookkuthi Amman 2: നയൻതാരയും സുന്ദർ സിയും ഇടഞ്ഞു; മൂക്കുത്തി അമ്മൻ 2 നിർത്തിവെച്ചു? നയൻതാരയ്ക്ക് പകരം തമന്ന?

മീനാക്ഷിയുടെ പിറന്നാൾ ആഘോഷമാക്കി ദിലീപും കാവ്യയും; ചിത്രങ്ങൾ വൈറൽ

പയ്യയിൽ തമന്നയ്ക്ക് പകരം ആദ്യം കാസ്റ്റ് ചെയ്തത് നയൻതാരയെ; സംവിധായകൻ പറയുന്നു

എല്ലാം കാണുക

ഏറ്റവും പുതിയത്

വേനല്‍ ചൂട് തണുപ്പിക്കാന്‍ മഴ വരുന്നു; വരുന്ന അഞ്ചുദിവസം സംസ്ഥാനത്ത് മഴയ്ക്ക് സാധ്യത

സുപ്രിയ മേനോൻ അർബൻ നെക്സൽ, മരുമോളെ മല്ലിക സുകുമാരൻ അടക്കി നിർത്തണമെന്ന് ബിജെപി നേതാവ് ബി ഗോപാലകൃഷ്ണൻ

സമ്മര്‍ ബമ്പര്‍ ഭാഗ്യശാലിയെ അറിയാന്‍ രണ്ടു ദിവസം കൂടി; ഏറ്റവും കൂടുതല്‍ ടിക്കറ്റ് വിറ്റത് പാലക്കാടും തിരുവനന്തപുരത്തും

ചെറിയ പെരുന്നാള്‍ ആഘോഷിക്കാന്‍ പടക്കങ്ങള്‍ വാങ്ങി കാറിനുള്ളില്‍ വച്ചു; പടക്കങ്ങള്‍ പൊട്ടിത്തെറിച്ച് യുവാക്കള്‍ക്ക് ഗുരുതര പരിക്ക്

സ്ത്രീയെ കന്യകാത്വ പരിശോധനയ്ക്ക് നിർബന്ധിക്കുന്നത് മൗലികാവകാശങ്ങളുടെ ലംഘനം: അലഹബാദ് ഹൈക്കോടതി

അടുത്ത ലേഖനം
Show comments