മമ്മൂട്ടിയുടെ 'വണ്‍' നെറ്റ്ഫ്‌ലിക്‌സിലേക്ക്, തിയേറ്ററിലെത്തി ഒരുമാസത്തിനകം ചിത്രത്തിന് ഒ.ടി.ടി റിലീസ്

നെറ്റ്ഫ്‌ലിക്‌സ് റിലീസിനൊരുങ്ങി മമ്മൂട്ടിയുടെ വണ്‍.ഏപ്രില്‍ 27 ന് സ്ട്രീമിംഗ് ആരംഭിക്കും. മാര്‍ച്ച് 26 ന് തിയേറ്ററുകളിലെത്തിയ ചിത്രം ഒരുമാസത്തിനകം ഒ.ടി.ടി പ്ലാറ്റ്‌ഫോമിലേക്ക് എത്തുകയാണ്.

ഇക്കഴിഞ്ഞ ദിവസമായിരുന്നു സിനിമ തിയേറ്ററുകളില്‍ 30 ദിവസം വിജയകരമായി പ്രദര്‍ശിപ്പിച്ചതിന്റെ സന്തോഷം നിര്‍മാതാക്കള്‍ പങ്കുവെച്ചത്.

മമ്മൂട്ടിയുടെ ഈ വര്‍ഷത്തെ രണ്ടാമത്തെ റിലീസ് എന്ന പ്രത്യേകത കൂടിയുണ്ടായിരുന്നു വണ്ണിന്.റൈറ്റ് ടു റീകാള്‍ എന്ന വിഷയം പ്രേക്ഷകരുടെ മനസ്സിലേക്ക് എത്തിക്കാന്‍ സിനിമയ്ക്കായി. സന്തോഷ് വിശ്വനാഥ് സംവിധാനം ചെയ്യുന്ന ചിത്രത്തിന് ബോബി-സഞ്ജയ് ടീമാണ് തിരക്കഥയൊരുക്കുന്നത്.

വൈദി സോമസുന്ദരം ഛായാഗ്രഹണം നിര്‍വഹിക്കുന്നു. ഗോപിസുന്ദര്‍ ചിത്രത്തിനായി സംഗീതം ഒരുക്കുന്നു.ഇച്ചായിസ് പ്രൊഡക്ഷന്‍സാണ് സിനിമ നിര്‍മ്മിക്കുന്നത്.