മഞ്ഞുമ്മലും പ്രേമലുവും ആടുജീവിതത്തിന് സ്‌റ്റേജൊരുക്കി കഴിഞ്ഞു, ഇനി സ്‌ക്രീനില്‍ മലയാളത്തിന്റെ അഭിമാനചിത്രത്തിന്റെ തേരോട്ടം

അഭിറാം മനോഹർ
ബുധന്‍, 20 മാര്‍ച്ച് 2024 (19:10 IST)
Aadujeevitham,Prithviraj
മലയാള സിനിമയെ പുതിയ ഉയരങ്ങളിലെത്തിക്കുക എന്നത് തന്റെ വലിയ ലക്ഷ്യമാണെന്ന ഏറെ നാളുകള്‍ക്ക് മുന്‍പ് തന്നെ വ്യക്തമാക്കിയ നടനാണ് പൃഥ്വിരാജ്. സ്വന്തമായി പ്രൊഡക്ഷനും ഡിസ്ട്രിബ്യൂഷനുമുള്ള മലയാളത്തിന് പുറത്തും അറിയപ്പെടുന്ന നടനായി മാറുക എന്നതാണ് തന്റെ ലക്ഷ്യമെന്ന് വര്‍ഷങ്ങള്‍ക്ക് മുന്‍പെ പറഞ്ഞപ്പോള്‍ കളിയാക്കലുകളാണ് പൃഥ്വി ഏറ്റുവാങ്ങിയതെങ്കിലും ഇന്ന് മലയാള സിനിമയെ ലോകത്തിന് മുന്നില്‍ അടയാളപ്പെടുത്തുന്ന സിനിമയാകുമെന്ന് കരുതുന്ന ആടുജീവിതത്തിലെ നായകനാണ് പൃഥ്വിരാജ്.
 
ആടുജീവിതം ഇന്ത്യയെങ്ങും വമ്പന്‍ വിജയമാവുകയാണെങ്കില്‍ അത് തെലുങ്കിന് ബാഹുബലിയും കന്നഡ സിനിമയ്ക്ക് കെജിഎഫും തുറന്നിട്ട പോലെ വലിയ വാതിലാകും മലയാള സിനിമയ്ക്കും തുറന്നിടുക. അതിനാല്‍ തന്നെ പ്രേമലു, മഞ്ഞുമ്മല്‍ ബോയ്‌സ് എന്നീ സിനിമകള്‍ കേരളത്തിന് പുറത്ത് നേടിയ വലിയ വിജയം ആടുജീവിതത്തിന് കൃത്യമായ സ്‌റ്റേജൊരുക്കി നല്‍കിയിരിക്കുകയാണെന്ന് പൃഥ്വിരാജ് പറയുന്നു. ബോക്‌സോഫീസ് കണക്കിന്റെ അടിസ്ഥാനത്തില്‍ മാത്രമല്ല താന്‍ പറയുന്നതെന്ന് പൃഥ്വി പറയുന്നു.
 
ഇപ്പോള്‍ ആളുകള്‍ മലയാളം സിനിമകളെ പറ്റി കൂടുതല്‍ സംസാരിക്കുന്നു. അതിന്റെ പ്രയോജനം എന്തായാലും ആടുജീവിതത്തിനും ലഭിക്കും.എന്തെന്നല്‍ മഞ്ഞുമ്മല്‍ ബോയ്‌സും പ്രേമലുവും കത്തിനില്‍ക്കുമ്പോള്‍ അടുത്തത് ഏത് മലയാള സിനിമയാണ് വരുന്നതെന്ന് ആളുകള്‍ ചോദിക്കും. അവിടെയാണ് ആടുജീവിതം വരുന്നത്. സത്യത്തില്‍ നല്ലൊരു സ്‌റ്റേജ് ഒരുക്കുകയാണ് ഈ വിജയസിനിമകള്‍ ചെയ്തിരിക്കുന്നത്. ഫിലിം കമ്പാനിയന് നല്‍കിയ അഭിമുഖത്തില്‍ പൃഥ്വിരാജ് പറയുന്നു.
 
മാര്‍ച്ച് 28നാണ് സിനിമ തിയേറ്ററില്‍ എത്തുന്നത്. സിനിമയ്ക്കായി അമ്പരപ്പിക്കുന്ന മേയ്‌ക്കോവറാണ് പൃഥ്വിരാജ് വരുത്തിയിരുന്നത്. സിനിമയിലെ നജീബായി മാറാനായി 30 കിലോയോളമാണ് പൃഥ്വി കുറച്ചിരുന്നത്.മലയാളത്തിന് പുറമെ കന്നഡ,തെലുങ്ക്,തമിഴ്,ഹിന്ദി ഭാഷകളിലും സിനിമ റിലീസ് ചെയ്യുന്നുണ്ട്. കന്നഡയില്‍ ഹോംബാലെയും തമിഴില്‍ റെഡ് ജയന്‍്‌സും തെലുങ്കില്‍ മൈത്രിയുമാണ് സിനിമ വിതരണം ചെയ്യുന്നത്. അതിനാല്‍ തന്നെ ഇന്ത്യയാകെ ധാരാളം സ്‌ക്രീനുകള്‍ സിനിമയ്ക്ക് ലഭിക്കും.
 

അനുബന്ധ വാര്‍ത്തകള്‍

വായിക്കുക

Eko Movie: 'എക്കോ' സംശയങ്ങളും സംവിധായകനും തിരക്കഥാകൃത്തും ഒളിപ്പിച്ചുവച്ചിരിക്കുന്ന ഉത്തരങ്ങളും

Eko Movie Detailing: എല്ലാ ചോദ്യങ്ങള്‍ക്കും ഉത്തരം നല്‍കി അവസാനിക്കുന്ന 'എക്കോ'

പ്രഭാസിനൊപ്പം രണ്‍ബീറും!, ബോക്‌സോഫീസ് നിന്ന് കത്തും, സ്പിരിറ്റിന്റെ പുത്തന്‍ അപ്‌ഡേറ്റ്

Bigg Boss Malayalam Season 7: പിആര്‍ കുരുക്കില്‍ അനുമോള്‍; ബിഗ് ബോസില്‍ ഒറ്റപ്പെടുന്നു, പ്രേക്ഷക പിന്തുണയും കുറഞ്ഞു

ഭ്രമയുഗം ഒന്നാന്തരം സിനിമ തന്നെ, പക്ഷേ, എത്രപേർ കണ്ടു?; ചോദ്യവുമായി മന്ത്രി സജി ചെറിയാൻ

എല്ലാം കാണുക

ഏറ്റവും പുതിയത്

എസ്ഐആർ സമയപരിധി നീട്ടി, ഫോമുകൾ തിരിച്ചുനൽകാൻ ഡിസംബർ 11 വരെ സമയം

സമ്പദ് വ്യവസ്ഥ തകർന്നോ? കരുതൽ സ്വർണം വിൽക്കാനൊരുങ്ങി റഷ്യൻ കേന്ദ്രബാങ്ക്

മണ്ഡലകാലം രണ്ടാഴ്ച്ച തികയുമ്പോൾ ശബരിമലയിൽ എത്തിയത് 12 ലക്ഷത്തിനടുത്ത് തീർത്ഥാടകർ

ഡിറ്റ്‌വാ സ്വാധീനം സംസ്ഥാനത്തെ തണുത്ത അന്തരീക്ഷ സ്ഥിതി ഉച്ചയോടെ മാറും, ഒറ്റപ്പെട്ട മഴയ്ക്കും സാധ്യത

Ditwah Cyclone: ഡിറ്റ്‌വാ ചുഴലിക്കാറ്റ്: തമിഴ്‌നാട്- പുതുച്ചേരി തീരങ്ങളിൽ ശക്തമായ മഴ

അടുത്ത ലേഖനം
Show comments