മലയാളത്തിൽ നിരവധി സിഐഡി ചിത്രങ്ങൾ പിറന്നിട്ടുണ്ട്. ഇപ്പോഴിതാ ആ ശ്രേണിയിലെ പുതിയ കണ്ണി. ‘സിഐഡി ഷീല’ എന്നാണ് മിയ അഭിനയിക്കുന്ന അടുത്ത ചിത്രത്തിൻറെ പേര്. വിവാഹശേഷം മിയ വീണ്ടും സിനിമ തിരക്കുകളിലേക്ക് തിരിച്ചെത്തുകയാണ് ഈ ചിത്രത്തിലൂടെ.
‘ഇര’ സംവിധാനം ചെയ്ത സൈജു എസ് എസ് ആണ് ഈ ചിത്രവും ഒരുക്കുന്നത്. സ്ത്രീ ശക്തിയെ കുറിച്ച് പറയുന്ന ചിത്രമാണിത്. ഇരയിൽ സൈജുവിനൊപ്പം പ്രവർത്തിച്ച നവീൻ ജോൺ ആണ് സിഐഡി ഷീലയ്ക്കായി തിരക്കഥയൊരുക്കിയത്.
രാജീവ് വിജയ് ഛായാഗ്രഹണവും മഹേഷ് നാരായണൻ എഡിറ്റിംഗും നിർവഹിക്കുന്നു. ചിത്രത്തിനായി സംഗീതം ഒരുക്കുന്നത് പ്രകാശ് അലക്‍സ് ആണ്.