ഓണത്തിന് തിയറ്ററുകളില്‍ പിന്നെ നെറ്റ്ഫ്‌ലിക്‌സില്‍,'ആര്‍.ഡി.എക്‌സി'ന് യു /എ സര്‍ട്ടിഫിക്കറ്റ്

ഷെയ്ന്‍ നിഗം, ആന്റണി വര്‍ഗീസ്, നീരജ് മാധവ് എന്നിവരെ പ്രധാന വേഷങ്ങളില്‍ എത്തിച്ച് നവാഗതനായ നഹാസ് ഹിദായത്ത് സംവിധാനം ചെയ്ത 'ആര്‍ ഡി എക്‌സി'ന്റെ ഒടിടി അവകാശങ്ങള്‍ വിറ്റുപോയി.വീക്കെന്‍ഡ് ബ്ലോക്ക്ബസ്റ്റെര്‍സ് നിര്‍മിക്കുന്ന ആക്ഷന്‍ എന്റെര്‍റ്റൈനെറാണ് സിനിമ.

യു /എ സര്‍ട്ടിഫിക്കറ്റ് ആണ് സിനിമയ്ക്ക് ലഭിച്ചിരിക്കുന്നത്. ഓണത്തിന് പ്രദര്‍ശനത്തിന് എത്തുന്ന സിനിമയുടെ ഡിജിറ്റല്‍ അവകാശങ്ങള്‍ നെറ്റ്ഫ്‌ലിക്‌സ് സ്വന്തമാക്കി. തിയറ്ററുകളിലെ പ്രദര്‍ശനശേഷം ഒടിടിയില്‍ സ്ട്രീമിംഗ് ആരംഭിക്കും.

രണ്ട് കാലഘട്ടമാണ് സിനിമയില്‍ കാണിക്കുന്നത്. 1997-98 കാലങ്ങളിലെ കഥ പറയുന്നതിനൊപ്പം 2005ലേക്കും പ്രേക്ഷകരെ സിനിമ കൂട്ടിക്കൊണ്ടുപോകും. 2005ലെ ഭാഗങ്ങളാണ് ആദ്യം ഷൂട്ട് ചെയ്തത്.1997 കാലഘട്ടത്തെ കാണിക്കുമ്പോള്‍ വിന്റേജ് ലുക്ക് താരങ്ങളെ കാണാനാകും.കിംഗ് ഓഫ് കൊത്ത സിനിമയ്‌ക്കൊപ്പം റിലീസ് ചെയ്യുമ്പോള്‍ ഭയമൊന്നുമില്ല എന്നും തങ്ങളെല്ലാവരും എക്‌സൈറ്റഡ് ആണെന്നും അഭിനേതാക്കള്‍ പറഞ്ഞു.