ടി പത്മനാഭന്റെ ചെറുകഥ 'പ്രകാശം പരത്തുന്ന ഒരു പെണ്‍കുട്ടി' സിനിമയാകുന്നു, പുതിയ പ്രഖ്യാപനവുമായി സംവിധായകന്‍ ജയരാജ്

ടി പത്മനാഭന്റെ ചെറുകഥ 'പ്രകാശം പരത്തുന്ന ഒരു പെണ്‍കുട്ടി' സിനിമ ആകുന്നു. സംവിധായകന്‍ ജയരാജ് ആണ് ഇക്കാര്യം അറിയിച്ചത്.

'പ്രകാശം പരത്തുന്ന ഒരു പെണ്‍കുട്ടി പപ്പേട്ടന്റ ഷോര്‍ട്ട് സ്റ്റോറി സിനിമയാകുന്നു'-ജയരാജ് കുറിച്ചു.

നടിയും അവതാരകയുമായ മീനാക്ഷിയുടെയും ചിത്രം സംവിധായകന്‍ പങ്കുവഹിച്ചു. സിനിമയെ കുറിച്ചുള്ള കൂടുതല്‍ വിവരങ്ങള്‍ പിന്നാലെ വരും എന്നാണ് പ്രതീക്ഷിക്കുന്നത്. ചിത്രീകരണം ആരംഭിച്ചു എന്നാണ് കരുതുന്നത്.

പൊങ്കുന്നം വര്‍ക്കിയുടെ ചെറുകഥയായ ശബ്ദിക്കുന്ന കലപ്പ സംവിധായകന്‍ ജയരാജ് ഒരു ഹ്രസ്വചിത്രമാക്കി മാറ്റിയിരുന്നു. ഈ ചിത്രം ഇന്നുമുതല്‍ (മെയ് 1) മലയാളത്തിലെ പുതിയ ഒടിടി പ്ലാറ്റ്ഫോമായ റൂട്ട്സിലൂടെ കാണാം. ജയരാജിന്റെ ബാക്ക് പാക്കേഴ്‌സും ഇതില്‍ തന്നെ നേരത്തെ റിലീസ് ചെയ്തിരുന്നു.