സൂര്യയുടെ നായികയാകാൻ പ്രയാഗ മാർട്ടിൻ, മണിരത്നത്തിന്റെ 'നവരസ' ഒരുങ്ങുന്നു

സൂര്യയുടെ നായികയാകാൻ പ്രയാഗ മാർട്ടിൻ. ഗൗതം മേനോൻ സംവിധാനം ചെയ്യുന്ന തമിഴ് ആന്തോളജി ‘നവരസ’യിൽ മലയാളം നടി പ്രയാഗ മാർട്ടിൻ പ്രധാന വേഷത്തിലെത്തുമെന്നാണ് റിപ്പോർട്ട്. ഔദ്യോഗിക സ്ഥിരീകരണം പുറത്തുവന്നിട്ടില്ല. ഗൗതം മേനോൻ ചിത്രത്തിൽ ഏതുതരത്തിലുള്ള വേഷത്തിലാകും എത്തുക എന്നത് അറിവായിട്ടില്ല.

2014 ൽ പുറത്തിറങ്ങിയ തമിഴ് ചിത്രമായ 'പിസാസ്'ൽ പ്രയാഗ അഭിനയിച്ചിരുന്നു. മുടി നീട്ടി വളർത്തി പുത്തൻ ലുക്കിൽ ആണ് സൂര്യ ഈ ചിത്രത്തിൽ അഭിനയിക്കുന്നത്. സൂര്യ ഒരു ഗായകനായി എത്തുന്നു എന്നും റിപ്പോർട്ടുകളുണ്ട്. 9 സംവിധായകരുടെ 9 സെഗ്മെന്റുകളുള്ള തമിഴ് ആന്തോളജി നിർമ്മിക്കുന്നത് മണിരത്നം ആണ്.