രജനികാന്തും മമ്മൂട്ടിയും വീണ്ടുമൊന്നിക്കുന്നു, സംവിധായകൻ മുരുഗദോസ്?!

സ്റ്റൈൽ മന്നൻ നായകനായി എ ആർ മുരുഗദോസ് സംവിധാനം ചെയ്യുന്ന ദർബാർ റിലീസിനൊരുങ്ങുകയാണ്. അതിനിടയിൽ ആരാധകരെ വീണ്ടും ആവേശത്തിലാക്കി സംവിധായകൻ എ ആർ മുരുഗദോസ്. മുരുഗദോസ് തന്റെ ഇൻസ്റ്റഗ്രാമിൽ പങ്കുവെച്ച ഒരു ചിത്രത്തെ ചുറ്റിപ്പറ്റിയാണ് ഇപ്പോൾ സംസാരം മുഴുവൻ. 

മമ്മൂട്ടിയും രജനികാന്തും ഒരുമിച്ചുള്ള ദളപതിയിലെ ഒരു ഫോട്ടോ ആണ് മുരുഗദോസ് പങ്കുവെച്ചത്. മറ്റ് ക്യാപ്ഷൻ ഒന്നുമില്ലാതെ ഇരുവരുടേയും ഫോട്ടോ മാത്രം പങ്കുവെച്ചതിലൂടെ എന്താണ് സംവിധായകൻ ഉദ്ദേശിച്ചതെന്ന് അന്വേഷിക്കുകയാണ് ഇരുവരുടെയും ആരാധകർ.

ദർബാറിൽ രജനികാന്തിനൊപ്പം മമ്മൂറ്റി ഗസ്റ്റ് റോളിൽ എത്തുന്നുണ്ടോ എന്നാണ് പ്രധാനമായും ആരാധകർ അന്വേഷിക്കുന്നത്. മുരുഗദോസ് ചിത്രത്തിൽ രജനികാന്തും മമ്മൂട്ടിയും ഒന്നിക്കുന്നതായി തുടക്കത്തിൽ വാർത്തകൾ വന്നിരുന്നു. എന്നാൽ അക്കാര്യത്തിൽ ഔദ്യോഗിക പ്രഖ്യാപനമൊന്നും ഉണ്ടായതുമില്ല. അതോടൊപ്പം, ഇരുവരും പുതിയ ചിത്രത്തിലൂടെ ഒന്നിക്കുമെന്നും സംവിധായകൻ മുരുഗദോസ് ആണെന്നും ചിലർ കണ്ടു പിടിച്ച് കഴിഞ്ഞു. അങ്ങനെയാണെങ്കിൽ അത് പൊളിക്കുമെന്നാണ് ഇരുകൂട്ടരുടേയും ആരാധകർ പറയുന്നത്. 

28 വർഷങ്ങൾക്ക് മുൻപ് 1991ലാണ് രജനികാന്തും മമ്മൂട്ടിയും ഒന്നിച്ചഭിനയിച്ചത്. ഇരുവരും ഒന്നിച്ചഭിനയിച്ച ആദ്യത്തേയും അവസാനത്തേയും ചിത്രമായിരുന്നു അത്. പിന്നീട് അതിനുള്ള അവസരം ഉണ്ടായിട്ടില്ല. മണിരത്നം സംവിധാനം ചെയ്ത ദളപതി എന്ന ചിത്രത്തിനു വേണ്ടി ആയിരുന്നു അത്. ഒരൊറ്റ ചിത്രം കൊണ്ട് തന്നെ മമ്മൂട്ടി - രജനികാന്ത് കൂട്ടുകെട്ടിനു തമിഴ്നാട്ടിലും കേരളത്തിലും വമ്പൻ വരവേൽപ്പാണ് ലഭിച്ചത്. 

View this post on Instagram

A post shared by ARMurugadoss (@a.r.murugadoss) on Dec 29, 2019 at 2:34am PST