എറെ കാലമായി ഒരു ഹിറ്റില്ലാതെ പരാജയങ്ങളിൽ നിന്ന് പരാജയങ്ങളിലേക്ക് കൂപ്പുകുത്തികൊണ്ടിരിക്കുകയാണ് ബോളിവുഡ്. വമ്പൻ ബജറ്റ് ചിത്രങ്ങളെന്ന ബാനറിൽ ഇറങ്ങിയ വലിയ ചിത്രങ്ങളെല്ലാം ബോളിവുഡിൽ തകർപ്പണമായി. നിലവിലെ സ്ഥിതിയിൽ നിന്നും തിരിച്ചുവരാൻ ഒരു സൂപ്പർ ഹിറ്റ് ചിത്രത്തിൻ്റെ ആവശ്യകത ബോളിവുഡിന് ഏറെയാണ്. പുറത്തിറങ്ങാനിരിക്കുന്ന രൺബീർ ചിത്രമായ ബ്രഹ്മാസ്ത്ര ബോളിവുഡിനെ പരാജയങ്ങളിൽ നിന്നും കരകയറ്റുമെന്നാണ് ആരാധകർ കരുതുന്നത്. ഇത് ശരി വെയ്ക്കുന്ന റിപ്പോർട്ടുകളാണ് ഇപ്പോൾ പുറത്തുവരുന്നത്.
സിനിമയുടെ ടിക്കറ്റുകൾ ഒരു ലക്ഷത്തിലധികം ഇപ്പോൾ തന്നെ വിറ്റതായി രാജ്യത്തെ പ്രമുഖ സിനിമാ തിയേറ്റർ ശൃംഖലയായ പിവിആർ പറയുന്നു. രൺബീർ കപൂർ,ആലിയ ഭട്ട്,നാഗാർജുന,അമിതാബ് ബച്ഛൻ തുടങ്ങി വമ്പൻ താരനിരയാണ് ചിത്രത്തിലുള്ളത്. ഹിന്ദി, തമിഴ്, തെലുങ്ക്, കന്നഡ, മലയാളം ഭാഷകളിലാണ് 'ബ്രഹ്മാസ്ത്ര' എത്തുക. ണ്ട് ഭാഗങ്ങളായിട്ട് ഉള്ള ചിത്രം ആദ്യ ഭാഗം എത്തുന്നത് ബ്രഹ്മാസ്ത്ര പാര്‍ട് വണ്‍: ശിവ എന്ന പേരിലാണ്. ഷാരൂഖ് ഖാൻ ചിത്രത്തില്‍ ഒരു അതിഥി വേഷത്തില്‍ എത്തുമെന്നും റിപ്പോര്‍ട്ടുണ്ട്. 410 കോടി രൂപയുടെ വമ്പൻ ബജറ്റിലാണ് ചിത്രം തയ്യാറാക്കിയിരിക്കുന്നത്.