'ഞാന്‍ കണ്ട ഏറ്റവും നല്ല ആള്‍'; സണ്ണിലിയോണിനൊപ്പം നടന്‍ സതീഷ്,'ഒഎംജി' ചിത്രീകരണം മുംബൈയില്‍

ബോളിവുഡ് താരം സണ്ണി ലിയോണ്‍ സൗത്ത് ഇന്ത്യന്‍ ഭാഷകളിലുള്ള സിനിമകളിലും സജീവമാകുകയാണ്. ഒഎംജി (ഓ മൈ ഗോസ്റ്റ്) എന്ന തമിഴ് ഹൊറര്‍ ചിത്രത്തിന്റെ ടൈറ്റില്‍ പോസ്റ്റര്‍ ഈയടുത്താണ് പുറത്തുവന്നത്.സതീഷ്, സഞ്ജന എന്നിവരാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്. സിനിമയുടെ ചിത്രീകരണം മുംബൈയില്‍ ആരംഭിച്ചു എന്നാണ് റിപ്പോര്‍ട്ടുകള്‍.

സതീഷും സണ്ണി ലിയോണും ഒരുമിച്ചുള്ള രംഗങ്ങളാണ് മുംബൈയില്‍ ചിത്രീകരിക്കുന്നത്. താന്‍ കണ്ട ഏറ്റവും നല്ല ആളുകളില്‍ ഒരാളാണ് സണ്ണി ലിയോണ്‍ എന്ന് സതീഷ് പറഞ്ഞു.

'സണ്ണി ലിയോണ്‍ ഈ ഇന്‍ഡസ്ട്രിയില്‍ ഞാന്‍ കണ്ട ഏറ്റവും നല്ല ആളുകളില്‍ ഒരാളാണ്, മികച്ച നടനും മികച്ച നര്‍ത്തകിയും. അത്തരമൊരു നടിയോടൊപ്പം പ്രവര്‍ത്തിക്കുന്നത് തികച്ചും സന്തോഷകരമായിരുന്നു. നല്ലൊരു മനുഷ്യനും' -സതീഷ് കുറിച്ചു.

ചിത്രം വാവു മീഡയയുടെയും വൈറ്റ് ഹോഴ്സ് സ്റ്റുഡിയോസിന്റെയും ബാനറില്‍ വീര ശക്തിയും കെ ശശി കുമാറും ചേര്‍ന്നാണ് ചിത്രം നിര്‍മ്മിക്കുന്നത്.

ദര്‍ശ ഗുപ്ത, സതീഷ്, യോഗി ബാബു, ടിക് ടോക്ക് താരം ജിപി മുത്തു,രമേശ് തിലക്, മൊട്ടൈ രാജേന്ദ്രന്‍, തങ്കദുരൈ എന്നിവരും ചിത്രത്തിലുണ്ട്.

 1000 വര്‍ഷങ്ങള്‍ക്ക് മുന്‍പ് ക്ലിയോപാട്രയുടെ കാലഘട്ടത്തെ കഥയാണ് സിനിമ പറയുന്നത്.